ନନ୍ଦିଘୋଷ ବ୍ୟୁରୋ: ହୋ, ମୁଣ୍ଡାରୀ, ଭୂମିଜ, ସୌରା, କୁଇ ପରି ଆଦିବାସୀ ଭାଷାକୁ ସମ୍ବିଧାନର ଅଷ୍ଟମ ଅନୁଚ୍ଛେଦରେ ସାମିଲ କରିବକୁ ଦାବି କରିଛି ବିଜେଡି। ଏକ ପ୍ରେସମିଟରେ ଦେବୀ ମିଶ୍ର କହିଛନ୍ତି, ଆଦିବାସୀଙ୍କ ଭାଷାକୁ ସଂରକ୍ଷିତ ରଖାଯାଉ। ଏହି ସବୁ ଭାଷାକୁ ସମ୍ଵିଧାନର ଅଷ୍ଟମ ଅନୁଚ୍ଛେଦରେ ସାମିଲ ପାଇଁ ନବୀନ ସରକାର ଆଗରୁ ବାରମ୍ଵାର ଦାବି କରିଥିଲେ। ବିଜେଡି କହିଛି, କେନ୍ଦୁ ପତ୍ରରେ ୧୮ ପ୍ରତିଶତ GST ଲଗାଯାଇଛି। ଏହାକୁ ଉଚ୍ଛେଦ କରାଯାଉ। ଭଗବାନ ବିର୍ସା ମୁଣ୍ଡାଙ୍କୁ ଆଦିବାସୀମାନେ ପୂଜା କରନ୍ତି। ଗତକାଲି ତାଙ୍କର 150 ତମ ଜୟନ୍ତୀ ପାଳନ କରାଯାଇଛି। ତାଙ୍କ ନାଁରେ ଆଦିବାସୀଙ୍କ ପ୍ରିୟ ନେତା ନବୀନ ପଟ୍ଟନାୟକ ରାଉରକେଲାରେ ବିଶ୍ଵସ୍ତରୀୟ ଷ୍ଟାଡିଅମ କରିଛନ୍ତି। ଆଦିବାସୀଙ୍କ ପାଇଁ ଶିକ୍ଷା, ଯୋଗାଯୋଗ, ହଷ୍ଟେଲ, ସ୍ୱାସ୍ଥ୍ୟ ପରି ସୁବିଧା ନବୀନ କରିଥିଲେ। ତିନି ମେଡିକାଲ କଲେଜ ଆଦିବାସୀ ସ୍ୱାଧୀନତା ସଂଗ୍ରାମୀ ନେତାଙ୍କ ନାଁରେ କରାଯାଇଛି। ବିଜେପି ସରକାର ମଧ୍ୟ ଆଦିବାସୀଙ୍କ ପାଇଁ ଯାହା ଦରକାର, ସବୁ କରନ୍ତୁ ବୋଲି ଦାବି କରିଛି ବିଜେଡି।
