ଅପରାଜିତା ଷଡ଼ଙ୍ଗୀଙ୍କୁ ପ୍ରଶାସନିକ ସେବା ନିୟମର ପାଠ ପଢାଇଲେ ବିଜେଡି ସାଂସଦ ସସ୍ମିତ ପାତ୍ର

ଭୁବନେଶ୍ୱର: ଭୁବନେଶ୍ବର ସାଂସଦ ଅପରାଜିତା ଷଡ଼ଙ୍ଗୀଙ୍କୁ ପ୍ରଶାସନିକ ସେବା ନିୟମର ପାଠ ପଢାଇଲେ ବିଜେଡି ସାଂସଦ ସସ୍ମିତ ପାତ୍ର । ମଧ୍ୟପ୍ରଦେଶର ଆଇନା ଦେଖାଇ ଅପରାଜିତାଙ୍କୁ ସମାଲୋଚନା କଲେ ସସ୍ମିତ । ମଧ୍ୟପ୍ରଦେଶରେ ଆରଏସଏସର କାର୍ଯ୍ୟକ୍ରମରେ ଦୁଇଜଣ ବରିଷ୍ଠ ପ୍ରଶାସନିକ ଅଧିକାରୀ ଉପସ୍ଥିତ ରହି ସଂଘ ସାଲ୍ୟୁଟ ମାରିବା ଠିକ୍, ହେଲେ ଓଡ଼ିଶାରେ ସରକାରୀ କାର୍ଯ୍ୟକ୍ରମରେ ଜିଲ୍ଲାପାଳ ଓ ଏସପି ଯୋଗଦେବା ଭୁଲ୍ । ଅପରାଜିତାଙ୍କର ଏ କେଉଁ ପ୍ରକାର ନୀତି ବୋଲି ପ୍ରଶ୍ନ କରିଛନ୍ତି ସସ୍ମିତ ।

ଅପରାଜିତା କଣ ମଧ୍ୟପ୍ରଦେଶର ଏହି ଘଟଣାକୁ ନିନ୍ଦା କରିବେ କି ବୋଲି ସସ୍ମିତ ପ୍ରଶ୍ନ କରିଛନ୍ତି । ମୟୂରଭଞ୍ଜରେ ସରକାରୀ କାର୍ଯ୍ୟକ୍ରମରେ ଜିଲ୍ଲାପାଳ ଯୋଗଦେବାକୁ ନେଇ ପ୍ରଶ୍ନ ଉଠାଇବା ସହିତ ବିବାଦ ସୃଷ୍ଟି କରିଥିଲେ ସାଂସଦ ଅପରାଜିତା । ଅପରାଜିତାଙ୍କୁ ଜବାବ ଦେଇ ସସ୍ମିତ କହିଛନ୍ତି, ବିଜେପି ଶାସିତ ମଧ୍ୟପ୍ରଦେଶରେ ସଂଘ କାର୍ଯ୍ୟକ୍ରମରେ ଦୁଇ ଆଇଏଏସ ଅଧିକାରୀ ରାଜନେତାଙ୍କ ଗହଣରେ ଠିଆ ହୋଇ ସଂଘୀୟ ସାଲ୍ୟୁଟ ମାରିଥିଲେ । ଏନେଇ ଏକ ଫଟୋ ସେୟାର କରି ଅପରାଜିତାଙ୍କୁ ଜବାବ ଦେବା ସହିତ ପ୍ରଶ୍ନ କରିଛନ୍ତି ସସ୍ମିତ ।