ମାନବିକତା ଦେଖାଇଲେ ସାଂସଦ, ଆହତ ଯୁବକଙ୍କୁ ନିଜ ଗାଡ଼ିରେ ନେଲେ ଡାକ୍ତରଖାନା

ନବରଙ୍ଗପୁର: ଉମରକୋଟ ନବଙ୍ଗପୁର ଜିଲ୍ଲାରେ ଦିନକୁ ଦିନ ଦୁର୍ଘଟଣା ବଢ଼ି ଚାଲୁଥିବା ସମୟରେ ମୃତ୍ୟୁ ସଂଖ୍ୟା ବି ସେହି ଅନୁସାରେ ବଢୁଛି । କିନ୍ତୁ କିଛି ସହୃଦୟ ବ୍ୟକ୍ତିଙ୍କ ମାନବିକତା ଯୋଗୁଁ କିଛି ଜୀବନ ବଞ୍ଚିଯାଉଛି। ଏମିତି ଏକ ଘଟଣା ଆଜି ଦେଖିବାକୁ ମିଳିଛି । ନବରଙ୍ଗପୁର ସାଂସଦ ରମେଶ ମାଝୀ ଆଜି ନିଜ ଘର ଦଣ୍ଡାମୁଣ୍ଡାରୁ ଉମରକୋଟ ଆସୁଥିବା ସମୟରେ ତେଣ୍ଡକା ଡୋଙ୍ଗରି ଗ୍ରାମ ନିକଟରେ ଏକ ବ୍ୟକ୍ତିଙ୍କୁ ଗୁରୁତର ଅବସ୍ଥାରେ ରାସ୍ତାରେ ପଡିଥିବା ଦେଖି ସେଠାରେ ଅଟକି ଯାଇଥିଲେ ।

ପ୍ରଥମେ ୧୦୮ କୁ ଫୋନ୍ କରିଥିଲେ । କଲ୍ ନଯିବାରୁ ରମେଶ ମାଝୀ ନିଜ ଗାଡ଼ିରେ ଦୁର୍ଘଟଣା ଗ୍ରସ୍ତ ଲୋକୋଟିକୁ ଝରିଗାଁ ମେଡିକାଲ୍ କୁ ଆଣି ଚିକିତ୍ସା କରାଇଛନ୍ତି । ବ୍ୟକ୍ତି ଜଣକ ହେଲେ ସିନାପାଲି ଗ୍ରାମର ତେଜରମ୍ ମାଝୀ। ସେ ଦାବୁଗାଁ ବ୍ଲକରେ ଶିକ୍ଷକ ଭାବରେ କାମ କରନ୍ତି। ଶିକ୍ଷକଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ନବରଙ୍ଗପୁର ସ୍ଥାନାନ୍ତରିତ କରାଯିବ। ସାଂସଦଙ୍କ ଏହି କାମକୁ ସମସ୍ତେ ପ୍ରଶଂସା କରିଛନ୍ତି ।