ମାଲକାନଗିରିବାସୀଙ୍କ ସ୍ବାର୍ଥ ପାଇଁ ସବୁ କିଛି କରିବ ବିଜେଡି: ମାନସ ମଙ୍ଗରାଜ

ଭୁବନେଶ୍ବର: ପୋଲଭରମ ପ୍ରସଙ୍ଗରେ ମାଲକାନଗିରିବାସୀଙ୍କ ସ୍ବାର୍ଥ ପାଇଁ ସବୁ କିଛି କରିବ ବିଜେଡି । ପୋଲାଭରମ ପ୍ରସଙ୍ଗରେ ଆଜି ଏମିତି କହିଛନ୍ତି ବିଜେଡି ସାଂସଦ ମାନସ ମଙ୍ଗରାଜ ।

ସେ କହିଛନ୍ତି, ପୋଲାଭରମ ପ୍ରକଳ୍ପକୁ ନେଇ ଜାନୁଆରୀରୁ ବିଜେଡି ଜୋରଦାର ଆନ୍ଦୋଳନ କରିବ । ଓଡ଼ିଶାବାସୀଙ୍କ ସ୍ଵାର୍ଥ ରକ୍ଷା ପାଇଁ ଆମ ଦଳ ସବୁବେଳେ ପ୍ରତିଶ୍ରୁତିବଦ୍ଧ । ଏହି ପ୍ରସଙ୍ଗରେ ଦିଲ୍ଲୀରେ ବିଭିନ୍ନ ସରକାରୀ କର୍ତ୍ତୃପକ୍ଷଙ୍କୁ ଭେଟିଥିଲା ଦଳ । ସେ ସଂପର୍କରେ ଦଳର ସଭାପତି ନବୀନ ପଟ୍ଟନାୟକଙ୍କୁ ଅବଗତ କରାଯାଇଛି । ପୋଲାଭରମ ଅନ୍ୟାୟ ପାଇଁ ଆମେ ମାଲକାନଗିରିରୁ ଭୁବନେଶ୍ଵର ଓ ଭୁବନେଶ୍ଵରରୁ ଦିଲ୍ଲୀ ଯାଏଁ ଆମେ ସ୍ଵର ଉଠାଇବୁ ବୋଲି କହିଛନ୍ତି ମାନସ ।