ଭୁବନେଶ୍ୱର ଏମ୍ସରେ ଆଶ୍ରୟସ୍ଥଳ ନିର୍ମାଣ ନେଇ ୧୫ଲକ୍ଷ ଟଙ୍କାର ସହାୟତା ଯୋଗାଇ ଦେବେ ବିଜେଡି ସାଂସଦ ଅମର

ଭୁବନେଶ୍ୱର: ନନ୍ଦିଘୋଷ ଟିଭିର ମହାପ୍ରଭାବ । ଭୁବନେଶ୍ୱର ଏମ୍ସରେ ରୋଗୀଙ୍କ ସମ୍ପର୍କୀୟ ରାତିରେ ଖୋଲା ଆକାଶ ତଳେ ଦୟନୀୟ ସ୍ଥିତିରେ ରହିବା ପ୍ରସଙ୍ଗ। ଏମ୍ସ ନିର୍ଦ୍ଦେଶକଙ୍କୁ ଚିଠି ଲେଖିଲେ ବିଜେଡି ସାଂସଦ ଅମର ପଟ୍ଟନାୟକ । ତୁରନ୍ତ ରୋଗୀଙ୍କ ସମ୍ପର୍କୀୟଙ୍କ ପାଇଁ ହଜାରେ ବର୍ଗଫୁଟର ଆଶ୍ରୟସ୍ଥଳୀ କରିବାକୁ କଲେ ଅନୁରୋଧ। ଏଥିପାଇଁ ସେ ତାଙ୍କ ସଂସଦ ପାଣ୍ଠିରୁ ୧୫ ଲକ୍ଷ ଟଙ୍କା ସହାୟତା ଦେବେ ବୋଲି ଚିଠିରେ ଜଣାଇଛନ୍ତି । ଖୁବଶୀଘ୍ର ଏନେଇ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀଙ୍କୁ ଜଣାଇବେ ବୋଲି ସାଂସଦ ଚିଠିରେ ଉଲ୍ଲେଖ କରିଛନ୍ତି । ସଂସଦର ଆସନ୍ତା ଅଧିବେଶନରେ ଏ ପ୍ରସଙ୍ଗରେ ସ୍ୱର ଉଠିବେ ବୋଲି କହିଛନ୍ତି ସାଂସଦ ଅମର ପଟ୍ଟନାୟକ। ଏମ୍ସରେ ରୋଗୀଙ୍କ ସମ୍ପର୍କୀୟ ରାତିରେ ଦୟନୀୟ ଅବସ୍ଥାରେ ରହିବା ପ୍ରସଙ୍ଗରେ ପ୍ରଥମେ ଖବର ପ୍ରକାଶ କରିଥିଲା ନନ୍ଦିଘୋଷ ଟିଭି