ବିଧାୟକ ମାସ୍କ ବାଣ୍ଟିଲେ, ଡେଙ୍ଗୁ ଓ କରୋନା ସଚେତନତା ବି କରାଇଲେ
ଭୁବନେଶ୍ୱର: ଭୁବନେଶ୍ୱର ଲକ୍ଷ୍ମୀ ସାଗର ୩୧ ନମ୍ୱର୍ ଓ୍ୱାର୍ଡ ବଙ୍ଗାଳୀ ସାହିରେ ଭୁବନେଶ୍ୱର ମଧ୍ୟ ବିଧାୟକ ଅନନ୍ତ ନାରାୟଣ ଜେନା ପହଞ୍ଚି ଲୋକଙ୍କୁ ମାସ୍କ ବାଣ୍ଟିବା ସହ ଲୋକଙ୍କ ସମସ୍ୟା ବୁଝିଛନ୍ତି। ସାହିରେ ଥିବା ଡ୍ରେନ୍ ସମସ୍ୟା,ସ୍ୱରେଜ୍ ବ୍ୟବସ୍ଥା,ଆଲୋକ,ପାନୀୟ ଜଳ ସମସ୍ୟା ଓ ରାସ୍ତାକୁ କଂକ୍ରିଟକରଣ କାର୍ଯ୍ୟ ତ୍ୱରାନ୍ୱିତ କରିବାକୁ ବିଧାୟକ ପ୍ରତିଶ୍ରୁତି ଦେଇଛନ୍ତି।
ଏଥିସହିତ ବିଧାୟକ ଖୁବ୍ ଶୀଘ୍ର ଏହି କାର୍ଯ ଆରମ୍ଭ କରିବାକୁ ନିର୍ଦ୍ଦେଶ ଦେଇଛନ୍ତି। ଏଥି ସହ ନବୀନ ପଟ୍ଟନାୟକଙ୍କ ଲୋକାଭିମୁଖୀ କାର୍ଯକ୍ରମ ଉପରେ ବସ୍ତି ଲୋକଙ୍କୁ ଆଲୋକପାତ କରିଥିଲେ ବିଧାୟକ। ଏହି କାର୍ଯକ୍ରମରେ ଜିଲ୍ଲା ବିଜେଡି ଉପସଭାପତି ମୁଶରଫ୍ ଖାଁ ବିଜେଡ଼ି ଯୁବ ନେତା ଭରତ ଲେଙ୍କା,ଦୀପକ୍ ପରିଡ଼ା, ଜୟନ୍ତୀ କର, ରଞ୍ଜିତ ପ୍ରଧାନ, ଟୁକୁନୁ ଗୁପ୍ତା, କୁମରେନ୍ଦ୍ର ମହାପାତ୍ର, କୁନୁମୁନି ପାତ୍ର, କବିତା ମଞ୍ଜରୀ ପରିଡ଼ା ଓ ବିତିକା ପଟ୍ଟନାୟକ କାର୍ଯକ୍ରମ ପରିଚାଳନା କରିଥିଲେ।
