ଓଡ଼ିଶାକୁ ପୁଞ୍ଜିନିବେଶ ଆଣିବାକୁ ମୁଖ୍ୟମନ୍ତ୍ରୀ ବିଦେଶ ଯିବା ସ୍ବାଗତଯୋଗ୍ୟ: ବିଜେଡି

ଭୁବନେଶ୍ବର: ମୁଖ୍ୟମନ୍ତ୍ରୀ ମୋହନ ମାଝୀ ବିଦେଶ ଗସ୍ତରେ ଯିବେ । ଆଉ ଏହି ଗସ୍ତର ମୁଖ୍ୟ ଉଦ୍ଦେଶ୍ୟ ଓଡ଼ିଶାକୁ ପୁଞ୍ଜି ନିବେଶ ଆଣିବା । ଏଥିପାଇଁ ମୁଖ୍ୟମନ୍ତ୍ରୀ ସିଙ୍ଗାପୁର ଯିବେ । ଏହାକୁ ନେଇ ବିଜେଡି ପ୍ରତିକ୍ରିୟା ଦେଇଛି । ବରିଷ୍ଠ ବିଜେଡି ବିଧାୟକ ପ୍ରତାପ ଦେବ କହିଛନ୍ତି ମୁଖ୍ୟମନ୍ତ୍ରୀ ଯଦି ଓଡ଼ିଶାକୁ ପୁଞ୍ଜିନେବଶ ଆଣିବାକୁ ସିଙ୍ଗାପୁର ଯାଉଛନ୍ତି, ତା’ହେଲେ ସ୍ଵାଗତଯୋଗ୍ୟ ।

ଆଗକୁ ସେ କହିଛନ୍ତି, ମୁଖ୍ୟମନ୍ତ୍ରୀ ଦାୟିତ୍ବ ନେବା ଉଚିତ୍ । ଯେଉଁ ନିବେଶକାରୀ ଓଡ଼ିଶା ସହିତ ଚୁକ୍ତି କରିଛନ୍ତି ସେମାନଙ୍କ ପାଇଁ ଓଡ଼ିଶାରେ ପୁଞ୍ଜିନିବେଶର ଅନୁକୂଳ ବାତାବରଣ କରିବା ଦରକାର । ପୁଞ୍ଜିନିବେଶ ପାଇଁ ଓଡ଼ିଶା ଉତ୍ତମ ବାତାବରଣ ବୋଲି ରାଜ୍ୟ ସରକାର ଶିଳ୍ପପତିଙ୍କୁ ବିଶ୍ୱାସ ଦେବା ଉଚିତ ।

ପୂର୍ବ ସରକାରରେ ବହୁ ବଡ଼ ବଡ଼ ଅନୁଷ୍ଠାନ ସହିତ ଚୁକ୍ତି କରିଥିଲେ । ଏବେ ସେମାନେ ପଳାଇବାକୁ ବସିଲେଣି । ନିପନ୍ ଷ୍ଟିଲ, ଜେଏସଡ଼ବ୍ଲୁର ଯେହେତୁ ଏମଓୟୁ ହୋଇଛି । ସେମାନେ କେମିତି ଓଡ଼ିଶାରେ ପୁଞ୍ଜିନିବେଶ କରିବେ ସେ ପ୍ରତି ମୁଖ୍ୟମନ୍ତ୍ରୀ ଗୁରୁତ୍ୱ ଦେବା ଉଚିତ ବୋଲି କହିଛନ୍ତି ପ୍ରତାପ ।