ବ୍ଲକ ଅଫିସରେ ରିଭ୍ୟୁ ମିଟିଂ କରୁଛନ୍ତି ବିଜେପିର ପରାଜିତ ପ୍ରାର୍ଥୀ: ବର୍ଷା
ପଦ୍ମପୁର: ସବୁ ନିୟମକୁ ଖୋଲା ଉଲ୍ଲଂଘନ । ବ୍ଲକ ଅଫିସରେ ରିଭ୍ୟୁ ମିଟଇଂ କରୁଛନ୍ତି ବିଜେପିର ପରାଜିତ ପ୍ରାର୍ଥୀ । ଏଭଳି ଅଭିଯୋଗ ଆଣିଛନ୍ତି ପଦ୍ମପୁର ବିଧାୟିକା ବର୍ଷା ସିଂ ବରିହା । ଷଷ୍ଠ ଜିଲ୍ଲା ପରିଷଦର ସ୍ବତନ୍ତ୍ର ବୈଠକରେ ଏଭଳି ପ୍ରଶ୍ନ ଉଠାଇଛନ୍ତି ବର୍ଷା ।
ସେ କହିଛନ୍ତି, ରିଭ୍ୟୁ ମିଟିଂ ସାଂସଦ କିମ୍ବା ବିଧାୟକମାନେ ନେଇଥାନ୍ତି । ହେଲେ ପଦ୍ମପୁର ନିର୍ବାଚନ ମଣ୍ଡଳୀର ବିଭିନ୍ନ ବ୍ଲକ ଅଫିସରେ ବିଜେପି ପରାଜିତ ପ୍ରାର୍ଥୀ ରିଭ୍ୟୁ ମିଟିଂ କରୁଛନ୍ତି ।
ଆଗକୁ ସେ କହିଛନ୍ତି, ଯଦି ବିଜେପିର ପରାଜିତ ପ୍ରାର୍ଥୀ ରିଭ୍ୟୁ ମିଟିଂ କରୁଛନ୍ତି ତେବେ ସମସ୍ତଙ୍କ ପାଇଁ ନିୟମ ସମାନ ହେଉ । ପରାଜିତ କଂଗ୍ରେସ, ବିଜେଡି ଓ ଆପ ଦଳର ପ୍ରାର୍ଥୀ ବି ରିଭ୍ୟୁ ମିଟିଂ ନିଅନ୍ତୁ ବୋଲି କଟାକ୍ଷ କରିଛନ୍ତି ବର୍ଷା ।
