ନବରଙ୍ଗପୁରରେ ବଢିଲା ବିଜେଡି ବଳ; ଯୋଗ ଦେଲେ ୩୦୦ରୁ ଅଧିକ କର୍ମୀ

ନବରଙ୍ଗପୁର :  ନବରଙ୍ଗପୁର ଜିଲ୍ଲା ଉମରକୋଟରେ ବିଜେଡିର ମିଶ୍ରଣ ପର୍ବ ଅନୁଷ୍ଠିତ। ୩୦୦ ରୁ ଅଧିକ କର୍ମୀ ବିଜେଡିରେ ହେଲେ ସାମିଲ । ନବରଙ୍ଗପୁର ସାଂସଦ ରମେଶ ଚନ୍ଦ୍ର ମାଝୀଙ୍କ ଉମରକୋଟ ସ୍ଥିତ ବାସଭବନରେ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି । ଏହି ମିଶ୍ରଣ ପର୍ବରେ ସାଂସଦ ରମେଶ ମାଝିଙ୍କ ସହ ରାଜ୍ୟ ଉଠା ଜଳସେଚନ ନିଗମର ଉପଦେଷ୍ଟା ପ୍ରମୋଦ କୁମାର ପାଢ଼ୀ ପୂର୍ବତନ ନଗରପାଳ ଝଡେଶ୍ୱର ମହାନ୍ତିଙ୍କ ସହ ବହୁ ଦଳୀୟ ନେତା ଉପସ୍ଥିତ ରହିଥିଲେ ।

ଏହି ମିଶ୍ରଣ ପର୍ବରେ ବିଜେପି ଓ କଂଗ୍ରେସ ଦଳ ଛାଡି ୩୦୦ ରୁ ଉର୍ଦ୍ଧ କର୍ମୀ ବିଜେଡି ରେ ଯୋଗ ଦେଇଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନୀତି ଓ ଆଦର୍ଶରେ ଅନୁପ୍ରାଣିତ ହୋଇ ଏବଂ ନବରଙ୍ଗପୁର ଜିଲ୍ଲାରେ ସାଂସଦଙ୍କ ଉନ୍ନତିମୂଳକ କାର୍ଯ୍ୟ ଓ ସଂଗଠନିକ ଦକ୍ଷତାକୁ ଦେଖି ସମସ୍ତେ ଦଳ ରେ ସାମିଲ ହେଇଥିବା କର୍ମୀ ପ୍ରକାଶ କରିଛନ୍ତି ।