ଦିନକୁ ଦିନ ବଢିଚାଲିଛି ବିଜେପିର ହିଂସା, ସିଇଓଙ୍କ ନିକଟରେ ଫେରାଦ ହେଲା ବିଜେଡି

ଭୁବନେଶ୍ୱର: ଅସହ୍ଯ ହେଲାଣି ବିଜେପିର କାମ। ଓଡ଼ିଶା ଏକ ଶାନ୍ତିପ୍ରିୟ ରାଜ୍ୟ। କିନ୍ତୁ ବିଜେପି ଦିନକୁ ଦିନ ରକ୍ତମୁଖା ହେଉଛି । ଏନେଇ ରାଜ୍ଯ ମୁଖ୍ଯ ନିର୍ବାଚନ ଅଧିକାରୀଙ୍କ ନିକଟରେ ବିଜେଡି ଅଭିଯୋଗ କରିବା ସହିତ କାର୍ଯ୍ଯାନୁଷ୍ଠାନ ଦାବି କରିଛି।

ନୟାଗଡ଼ରେ ବିଜେପିର ଆକ୍ରମଣ, ଚିକିଟିରେ ବିଜେପି ପ୍ରାର୍ଥୀ ମନୋରଞ୍ଜନ ଦ୍ୟାନସାମନ୍ତରାୟଙ୍କ କାଣ୍ଡ, ଗୋପାଳପୁରରେ ବିଜେଡି ପ୍ରାର୍ଥୀ ବିକ୍ରମ ପଣ୍ଡାଙ୍କ ପ୍ରଚାର ଗାଡ଼ିକୁ ବିଜେପି ପ୍ରାର୍ଥୀ ବିଭୂତି ଜେନା ଭାଙ୍ଗିବା ସହିତ ମିଶନ ଶକ୍ତି, ଅଙ୍ଗନବାଡ଼ି, ଆଶାକର୍ମୀ ଓ ସରକାରୀ ଅଧିକାରୀଙ୍କୁ ବିଜେପି ନେତାମାନେ ଧମକ ଦେଉଛନ୍ତି।

ତେଣୁ ପୋଲିସ ସୁରକ୍ଷା ପ୍ରଦାନ କରିବାକୁ ମୁଖ୍ୟ ନିର୍ବାଚନ ଅଧିକାରୀଙ୍କୁ ବିଜେଡି ଅନୁରୋଧ କରିଛି। ହିଂସାକାଣ୍ଡରେ ସମ୍ପୃକ୍ତ ନେତାଙ୍କ ବିରୋଧରେ କାର୍ଯ୍ଯାନୁଷ୍ଠାନ ଦାବି କରିଛି ବିଜେଡି। ଏଦିଗରେ ପଦକ୍ଷେପ ନେବା ପାଇଁ ରାଜ୍ଯ ମୁଖ୍ଯ ନିର୍ବାଚନ ଅଧିକାରୀ ଆଶ୍ୱାସନା ଦେଇଥିବା ବିଜେଡି ସୂଚନା ଦେଇଛି।