କାମାକ୍ଷାନଗରରେ ବାଇକ ଶୋଭାଯାତ୍ରା କରି ଦମ ଦେଖାଇଲା ବିଜେଡି

କାମାକ୍ଷାନଗର : କାମାକ୍ଷାନଗର ନିର୍ବାଚନ ମଣ୍ଡଳୀରେ ବାଇକ ଶୋଭାଯାତ୍ରା କରି ଦମ ଦେଖାଇଲା ବିଜେଡି l ବିଭିନ୍ନ ପଞ୍ଚାୟତ ସହ ଏନଏସିରେ ହଜାର ହଜାର ସମର୍ଥକଙ୍କ ସହ ଶକ୍ତି ପ୍ରଦର୍ଶନ କରିଛି ଦଳ l ସହରର ଆଳତୁମା ଠାରୁ ହଜାର ହଜାର ଦଳୀୟ କର୍ମୀଙ୍କ ସହ ବିଶାଳ ବାଇକ ଶୋଭାଯାତ୍ରାରେ ବାହାରି ଇଲେକ୍ଟ୍ରି ଅଫିସ ଛକ, ହନୁମାନ ବଜାର, ଗୋପବନ୍ଧୁ ବଜାର, ଲକ୍ଷ୍ମୀ ବଜାର ଦେଇ ସହର ପରିକ୍ରମା କରି ସ୍ଥାନୀୟ ବାସିନ୍ଦାଙ୍କ ଆଶୀର୍ବାଦ ଭିକ୍ଷା କରିଛନ୍ତି ବିଜେଡି ବିଧାୟକ ପ୍ରାର୍ଥୀ ପ୍ରଫୁଲ୍ଲ ମଲ୍ଲିକ ଓ ସାଂସଦ ପ୍ରାର୍ଥୀ ଅବିନାଶ ସାମଲ l କାମାକ୍ଷାନଗର ଏନଏସି ଅଧ୍ୟକ୍ଷ ଧର୍ମାନନ୍ଦ ପରିଡା, ନଗର ବିଜେଡି ସଭାପତି ଆଦିତ୍ୟ ଆଚାର୍ଯ୍ୟ, ସମସ୍ତ ୧୫ ଟି ୱାର୍ଡର କାଉନସିଲରଙ୍କ ସମେତ କାନପୁରା, ବାଉଁଶପାଳ, କାଦୁଆ ପଞ୍ଚାୟତର ସରପଞ୍ଚ ଓ ବିଭିନ୍ନ ଅନୁଷ୍ଠାନର ସଦସ୍ୟ ଏଥିରେ ସାମିଲ ହୋଇଥିଲେ l