ନବୀନଙ୍କୁ ଶୁଭେଚ୍ଛା ଜଣାଇବାକୁ ନେତାଙ୍କ ଭିଡ଼

ଭୁବନେଶ୍ବର: ଆସିଛି ନୂଆବର୍ଷ ୨୦୨୩ । ସମସ୍ତେ ପରସ୍ପରକୁ ଜଣାଉଛନ୍ତି ନବବର୍ଷର ଅଭିନନ୍ଦନ । ବିଜେଡି ସୁପ୍ରିମ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପାଖକୁ ଛୁଟୁଛି ନୂଆବର୍ଷର ଅଭିନନ୍ଦନ । ଏଥିରୁ ଦଳୀୟ ନେତା ଓ କର୍ମୀ ବା କେମିତି ପଡ଼ିବେ ବାଦ । ପ୍ରିୟ ନେତା ନବୀନଙ୍କୁ ଶୁଭେଚ୍ଛା ଜଣାଇବାକୁ ନବୀନ ନିବାସରେ ବିଜେଡି ମନ୍ତ୍ରୀ, ନେତା ଓ କର୍ମୀଙ୍କ ଭିଡ଼ ।

ପ୍ରମିଳା ମଲ୍ଲିକ, ଟୁକୁନି ସାହୁ, ସମୀର ଦାସ, ଅତନୁ ସବ୍ୟସାଚୀ ନାୟକ, ଦେବୀ ମିଶ୍ର, ଶ୍ରୀମୟୀ ମିଶ୍ରଙ୍କ ଭଳି ପ୍ରମୁଖ ନେତା ମନ୍ତ୍ରୀ ନବୀନ ନିବାସରେ ପହଂଚି ମୁଖ୍ୟମନ୍ତ୍ରୀଙ୍କୁ ଅଭିନନ୍ଦନ ଜଣାଇଛନ୍ତି । କେବଳ ବିଧାୟକ କି ମନ୍ତ୍ରୀ ନୁହନ୍ତି, ତୃଣମୂଳ ସ୍ତରରେ ନେତା ବି ଦଳ ସଭାପତିଙ୍କୁ ଶୁଭେଚ୍ଛା ଜଣାଉଛନ୍ତି । ଅଭିନନ୍ଦନ ଜଣାଇବାକୁ ନବୀନ ନିବାସରେ ପ୍ରଶଂସକଙ୍କ ଭିଡ଼ ବି ଦେଖିବାକୁ ମିଳିଛି । ଚାଲିପାରୁନଥିଲେ ବି ଜଣେ ପ୍ରଶଂସକ ନବୀନଙ୍କୁ ନୂଆବର୍ଷର ଶୁଭେଚ୍ଛା ଜଣାଇବାକୁ ଗୁରୁଣ୍ଡି ଗୁରୁଣ୍ଡି ପହଞ୍ଚିଛନ୍ତି ।