ମମିତାଙ୍କୁ ନ୍ୟାୟ ନୁହେଁ ରାଜନୈତିକ ଫାଇଦା ଚାହୁଁଛି ବିଜେପି: ପ୍ରତାପ ଦେବ
ଭୁବନେଶ୍ୱର: ମମିତା ନ୍ୟାୟ ପାଉ ବୋଲି ବିଜେପି ଚାହୁଁନି । କେବଳ ରାଜନୀତି ପାଇଁ ପ୍ରହସନ କରୁଛି, ରାଜନୈତିକ ଷଡ଼ଯନ୍ତ୍ର କରୁଛି । ଦିବଙ୍ଗତ ଶିକ୍ଷୟିତ୍ରୀଙ୍କୁ ନ୍ୟାୟ ପାଇଁ ଲଢ଼ୁଛନ୍ତି । ଯେଉଁଭଳି କଟ ଆଉଟ୍ ଲଗାଇ ଚିତ୍ରଣ କରିଥିଲେ । ତାହା ନାରୀ ସମାଜ ପାଇଁ ନିନ୍ଦନୀୟ କଥା । ବିଜେପିରେ ଥିବା ଲୋକ ବୌଦ୍ଧିକ ଶକ୍ତି ହରାଇଛନ୍ତି ବୋଲି କହିଛନ୍ତି ବିଜେଡି ମୁଖପାତ୍ର ପ୍ରତାପ ଦେବ । ପ୍ରକୃତରେ ନ୍ୟାୟ ମାଗିବାକୁ ନା ଜଣେ ମୃତ ବ୍ୟକ୍ତିଙ୍କ ଶବ ଉପରେ ଛିଡ଼ା ହୋଇ ରାଜନୈତିକ ଅଙ୍କ ଆଙ୍କୁଥିଲେ ସ୍ପଷ୍ଟ ପ୍ରମାଣିତ ହୋଇଛି ।
କମିଶନରେଟ୍ ପୋଲିସ ଠାରୁ ଆନ୍ଦୋଳନ ପାଇଁ ଅନୁମତି ନେଲେ ସେହି ପୋଲିସକୁ ବାଡ଼େଇଲେ, ଟେକା ଫିଙ୍ଗିଲେ, ଗାଡ଼ି ପୋଡ଼ିଲେ, ସାମ୍ବାଦିକଙ୍କୁ ପିଟିଲେ । ମମିତାକୁ ନ୍ୟାୟ ଦିଆଯାଉ ଏହା ବିଜେପିର ଏକ ରାଜନୈତିକ ସ୍ଲୋଗାନ । ପ୍ରକୃତରେ ବିଜେପି ପୀଡ଼ିତାଙ୍କୁ ନ୍ୟାୟ ଦେବାକୁ ଚାହୁଁନି, କେବଳ ରାଜନୀତି ଚାହୁଁଛି । ବିଜେପି ଯୁବମୋର୍ଚ୍ଚା ସଭାପତିଙ୍କ ନାଁରେ ଏକାଧିକ ଅପରାଧିକ ମାମଲା ରହିଛି । ତାଙ୍କ ନେତୃତ୍ୱରେ ପୀଡ଼ିତାଙ୍କ ପାଇଁ ନ୍ୟାୟ ମଗାଯିବା ବେଳେ ଏଭଳି ଆଚରଣ ହିଁ ଆଶା କରାଯାଏ ।
ଏହାର ଉଚିତ୍ ଜବାବ ଓଡ଼ିଶାବାସୀ ଦେବେ । ମମିତାଙ୍କୁ ନ୍ୟାୟ ଆଳରେ ବିଜେପି ପ୍ରହସନ କରୁଛି । ବିଧାନସଭା ଚଳାଇ ଦେଉନାହାଁନ୍ତି । ପ୍ରଶାସନ ଉପରେ ତାଙ୍କର ଆଚରଣ ପୀଡ଼ିତାଙ୍କୁ ନ୍ୟାୟ ଦେବା ଏକ ଆଳ । ପ୍ରକୃତ ଉଦ୍ଦେଶ୍ୟ ହେଉଛି, ପୋଲିସ ଲାଠିଚାର୍ଜ କରୁ, ମାଡ଼ ମାରୁ । ଏଭଳି କରି ବିଜେପି ହାଇଲାଇଟ୍ ହେବାକୁ ଚାହୁଁଛି । ବିଜେପି ରାଲିରେ ଘଟିଥିବା ଆଚରଣକୁ ବିଜେଡି ନିନ୍ଦା କରିଛି ।
ଏଥିସହ ପଢ଼ନ୍ତୁ: ବିଜେପି କର୍ମୀଙ୍କ ଆକ୍ରମଣରେ ୧୪ ପୋଲିସ ଆହାତ, ରଣକ୍ଷେତ୍ର ପାଲଟିଲା ଲୋୟର ପିଏମଜି
