ଇଭିଏମ ଓ ଇସିଆଇଙ୍କ ସ୍ବଚ୍ଛତାକୁ ନେଇ ପ୍ରଶ୍ନ ଉଠାଇଲେ ଲେଖାଶ୍ରୀ, କହିଲେ- ବିଜେପିର ଷଡଯନ୍ତ୍ର

ଭୁବନେଶ୍ବର: ନିର୍ବାଚନ ସ୍ଵଚ୍ଛତାକୁ ନେଇ ବଡ ଅଭିଯୋଗ ଆଣିଲେ ବିଜେଡି ନେତ୍ରୀ ଲେଖାଶ୍ରୀ ସାମନ୍ତସିଂହାର । ଇଭିଏମ ଓ ଇସିଆଇଙ୍କ ସ୍ବଚ୍ଛତାକୁ ନେଇ ଉଠାଇଲେ ପ୍ରଶ୍ନ । ଗତ ନିର୍ବାଚନରେ ଭୋଟ ଦିନ ପଡିଥିବା ଭୋଟ ଓ ଗଣତି ଦିନ କାଉଣ୍ଟ ହୋଇଥିବା ଭୋଟ ଭିତରେ ୫ କୋଟିର ବ୍ଯବଧାନ ଅଛି । ବିଜେପିର ଏହା ଷଡଯନ୍ତ୍ର ବୋଲି କହିଛନ୍ତି ଲେଖାଶ୍ରୀ । ଇସିଆଇଙ୍କ ବିନା ଅଗୋଚରରେ ଏହା ଅସମ୍ଭବ । ଓଡିଶା ଓ ଆନ୍ଧ୍ରରେ ଏହା କେବଳ ଦେଖାଯାଇଛି ବୋଲି କହିଛନ୍ତି ଲେଖାଶ୍ରୀ ।

କିଛି ଦିନ ତଳେ ଦେଶରେ ଏଡିଆର ଓ ଭୋଟ ଫର ଡେମୋକ୍ରାସି ରିପୋର୍ଟକୁ ନେଇ ତମ୍ବିତୋଫାନ ହୋଇଥିଲା । ଦେଶରେ ପାଖାପାଖି ୫ କୋଟି ସନ୍ଦିଗ୍ଧ ଭୋଟ ଯୋଗୁଁ ବିଜେପି ୭୯ଟି ଆସନରେ ଜିତି ପାରିଛି । ଚୂଡାନ୍ତ ମତଦାନ ଓ ଭୋଟ ସଂଖ୍ୟା ମଧ୍ୟରେ ରହିଥିବା ପାର୍ଥକ୍ୟରୁ ଏଭଳି ସନ୍ଦେହ ସୃଷ୍ଟି ହୋଇଥିଲା । ଭୋଟ ପାର୍ଥକ୍ୟ ଯୋଗୁଁ ବିଜେପି ଓଡିଶାରେ ୧୮ଟି ଲୋକସଭା ଆସନ ଜିତିଥିବା ଏହି ରିପୋର୍ଟରେ କୁହାଯାଇଛି ।