ଅପରାଜିତା ଜଣେ ପର୍ଯ୍ୟଟକ, ନିର୍ବାଚନ ପରେ ଦେଖା ମିଳେନି

ଭୁବନେଶ୍ବର: ଭୁବନେଶ୍ବର ସାଂସଦ ତଥା ବିଜେପି ଲୋକସଭା ପ୍ରାର୍ଥିନୀ ଅପରାଜିତା ଷଡଙ୍ଗୀ ଜଣେ ପର୍ଯ୍ୟଟକ । ନିର୍ବାଚନ ପରେ ଆଉ ମିଳେନି ତାଙ୍କ ଦେଖା । ୨୦୧୯ରେ ନିର୍ବାଚିତ ହେବା ପରେ ନିର୍ବାଚନ ମଣ୍ଡଳୀକୁ ଦେଖିବାକୁ ମିଳିନଥିଲା । ଏମିତି କହି ଜଟଣୀ ଖୁଦୁପୁରରେ ଆୟୋଜିତ ସଭାରେ ଅପରାଜିତାଙ୍କୁ ଟାର୍ଗେଟ କରିଛନ୍ତି ବରିଷ୍ଠ ବିଜେଡି ନେତା କାର୍ତ୍ତିକ ପାଣ୍ଡିଆନ ।

ସେ କହିଛନ୍ତି, ଏମିତିରେ ଲୋକଙ୍କ ସମସ୍ୟାର ସମାଧାନ ହେବନି । ଜଟଣୀବାସୀଙ୍କ ସବୁ ସମସ୍ୟାର ସମାଧାନ କେବଳ ନବୀନ ପଟ୍ଟନାୟକ ହିଁ କରିବେ । ବିଜେଡି ପ୍ରାର୍ଥୀଙ୍କୁ ଯୋଡି ଶଙ୍ଖରେ ଭୋଟ ଦେଇ ଅନ୍ୟୁନ ୫୦ ହଜାର ଭୋଟ ମାର୍ଜିନରେ ଜିତାଇବାକୁ ସେ ଅପିଲ କରିଛନ୍ତି । ଜଟଣୀର ଜମି ସମସ୍ୟାକୁ ନେଇ ଜଟଣୀବାସୀ ଦୀର୍ଘଦିନ ହେଲା ଦାବି କରିଆସୁଛନ୍ତି । ଏହି ସମସ୍ୟା କେବଳ ନବୀନ ପଟ୍ଟନାୟକ ହିଁ ସମାଧାନ କରିବେ । ପୂର୍ବରୁ ଜଟଣୀର ବହୁ ସମସ୍ୟାର ସମାଧାନ ହୋଇଛି । ତେଣୁ ମୁଖ୍ୟମନ୍ତ୍ରୀଙ୍କ ଆଶୀର୍ବାଦ କରିନ୍ତୁ ଓ ବିଜେଡି ସାଂସଦ ଏବଂ ବିଧାୟକ ପ୍ରାର୍ଥୀଙ୍କୁ ଯୋଡ଼ି ଶଙ୍ଖରେ ଭୋଟ ଦେଇ ବିଜୟୀ କରାନ୍ତୁ ବୋଲି ସେ ଅପିଲ କରିଛନ୍ତି ।