ମୁଖ୍ୟମନ୍ତ୍ରୀଙ୍କ ଗସ୍ତ ପୂର୍ବରୁ ଫୁଲବାଣୀରେ BJDର ମହାମିଶ୍ରଣ ପର୍ବ
ଫୁଲବାଣୀ: ମୁଖ୍ୟମନ୍ତ୍ରୀଙ୍କ ଗସ୍ତ ପୂର୍ବରୁ ଫୁଲବାଣୀ ଗାନ୍ଧିସ୍ମୃତି ଭବନ ଠାରେ ବିଜୁ ଜନତା ଦଳର ମହା ମିଶ୍ରଣ ପର୍ବ । ବିଜେଡ଼ି ସଭାପତି ସରୋଜ କର୍ଣ୍ଣଙ୍କ ଉପସ୍ଥିତିରେ 25 ରୁ ଉର୍ଦ୍ଧ୍ୱ ଓକିଲ ବିଜେଡିରେ ସାମିଲ ହୋଇଛନ୍ତି । ଏହି ମିଶ୍ରଣ ପର୍ବରେ ମନ୍ତ୍ରୀ ପ୍ରତାପ ଜେନା, ଫୁଲବାଣୀ ବିଧାୟକ ଅଙ୍ଗଦ କହଁର, ଜିଲ୍ଲା ବାଲିଗୁଡ଼ା ବିଧାୟକ ଚକ୍ରମଣି କହଁର ଉପସ୍ଥିତ ଥିଲେ ।
ସେହିପରି ମୁଖ୍ୟମନ୍ତ୍ରୀଙ୍କ ବିକାଶମୂଳକ କାର୍ଯ୍ୟରେ ଅନୁପ୍ରାଣିତ ହୋଇ କନ୍ଧମାଳ ଜିଲ୍ଲାର 10 ଟି ବ୍ଲକର 200ରୁ ଉର୍ଦ୍ଧ୍ୱ ଯୁବଛାତ୍ର ବିଜେପି ଛାଡି ଏହି ମହା ମିଶ୍ରଣ ପର୍ବରେ ସାମିଲ ହୋଇଥିଲେ । ଏହାଦ୍ୱାରା ଜିଲ୍ଲାରେ ବିଜେଡି ଆହୁରି ମଜବୁତ୍ ହେବ ବୋଲି କହିଛନ୍ତି ପଞ୍ଚାୟତରାଜ ମନ୍ତ୍ରୀ ପ୍ରତାପ ଜେନା । ମୁଖ୍ୟମନ୍ତ୍ରୀଙ୍କ ଗସ୍ତକୁ କିଛି ଘଣ୍ଟା ବାକି ରହିଛି । ସେପଟେ ବିଜେଡ଼ିରେ ମିଶିଛନ୍ତି ଶତାଧିକ ଅନ୍ୟ ଦଳର କର୍ମୀ ।
