ଶକ୍ତ ହେଉଛି କେନ୍ଦୁଝର ବିଜେଡି, ଯୋଗଦେଲେ ଶତାଧିକ କର୍ମୀ

ଭୁବନେଶ୍ୱର: ବିଜେଡିରେ ସାମିଲ ହେଲେ ବିଜେପି ଓ କଂଗ୍ରେସର ଶତାଧିକ କର୍ମୀ ଓ ସମର୍ଥକ । ରାଜ୍ୟ ବିଜେଡି କାର୍ଯ୍ୟାଳୟରେ ଆନୁଷ୍ଠାନିକ ଭାବେ ଯୋଗଦାନ କରିଛନ୍ତି  । ରାଜ୍ୟ ବିଜେଡି ସାଧାରଣ ସମ୍ପାଦକ ପ୍ରଣବ ପ୍ରକାଶ ଦାସ କେନ୍ଦୁଝରର କଂଗ୍ରେସ ଓ ବିଜେପି କର୍ମୀଙ୍କୁ ଉତ୍ତରୀୟ ଦେଇ ଦଳରେ ସ୍ୱାଗତ କରିଥିଲେ ।  ଏଥିରେ ଘସିପୁରା ବିଧାୟକ ତଥା କେନ୍ଦୁଝର ବିଜେଡିର ବରିଷ୍ଠ ନେତା ବଦ୍ରି ନାରାୟଣ ପାତ୍ର ଯୋଗଦେଇଛଥିଲେ  ।

ରାଜ୍ୟ ବିଜୁ ଛାତ୍ର ଜନତା ଦଳ କାର୍ଯ୍ୟାଳୟରେ ଆୟୋଜିତ ମିଶ୍ରଣ ପର୍ବରେ କଂଗ୍ରେସ ରାଜ୍ୟ ସମ୍ପାଦକ ତଥା ଟ୍ରକ ଆସୋସିଏସନର ସମ୍ପାଦ ସର୍ଯ୍ୟନାରାୟଣ କର ଯୋଗଦେଇଥିଲେ  । ଏବଂ ଅନେକ ବରିଷ୍ଠ ନେତା ଯୋଗଦେଇଥିଲେ  । ଏହି ମିଶ୍ରଣ ପର୍ବ କେନ୍ଦୁଝର ଜିଲ୍ଲାରେ ପ୍ରଭାବ ପକାଇବ  । ପଞ୍ଚାୟତ ନିର୍ବାଚନରେ ଦଳକୁ ଶକ୍ତ କରିବାରେ ସାହାର୍ଯ୍ୟ କରିବ  । ସମସ୍ତ କର୍ମୀ ଓ ନେତାଙ୍କ ସହଯୋଗକରେ ଦଳ କିପରି ତୃଣ ମୂଳ ସ୍ତରରେ ଅଧିକାଂଶ ଆସନ ଦଖଲ କରିବ ସେନେଇ ସନ୍ଦେଶ ଦେଇଥିଲେ ବଦ୍ରି ନାରାୟଣ ପାତ୍ର  ।  ସେହିପରି ଦଳର ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ମୁଖ୍ୟମନ୍ତ୍ରୀଙ୍କ ବାର୍ତ୍ତାକୁ ରଖିଥିଲେ  ।