ବାରିପଦାରେ ବିଜେଡିର ବିରାଟ ମିଶ୍ରଣ ପର୍ବ: ବିଜେପି ଜିଲ୍ଲା ପରିଷଦ ସଭ୍ୟ ଓ କଂଗ୍ରେସ ନେତା ସାମିଲ

ବାରିପଦା: ମୟୂରଭଞ୍ଜରେ ଆହୁରି ସଶକ୍ତ ହେଉଛି ବିଜେଡି । ବିଭିନ୍ନ ଦଳର କର୍ମୀ ଏବେ ବିଜେଡି ମୁହାଁ ହେଉଛନ୍ତି । ଏନେଇ ବାରିପଦାରେ ଜିଲ୍ଲା କାର୍ଯ୍ୟାଳୟରେ ଅନୁଷ୍ଠିତ ହୋଇଯାଇଛି ବିରାଟ ମିଶ୍ରଣ ପର୍ବ । ଖୁଣ୍ଟା ବ୍ଲକର ଜୋନ ୧୩ର ବିଜେପିର ଜିଲ୍ଲାପରିଷଦ ସଭ୍ୟ ଭି.ଏସ ଜ୍ୟୋତି ସଂଗ୍ରାମ, କଂଗ୍ରେସର ଯୁବ ନେତା ସଞ୍ଜୀବ କୁମାର ସାହୁ ଓ ତାଙ୍କ ଶତାଧିକ ସମର୍ଥକଙ୍କ ସହ ଆଜି ବିଧିବଦ୍ଧ ଭାବେ ବିଜେଡ଼ିରେ ସାମିଲ ହୋଇଛନ୍ତି ।

ଏହି ମିଶ୍ରଣ ପର୍ବରେ ବିଜେଡି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ଉପସ୍ଥିତ ରହି ସମସ୍ତଙ୍କୁ ସ୍ୱାଗତ କରିଥିଲେ । ଏହା ସହ ଆଗାମୀ ନିର୍ବାଚନରେ ବିଜେଡିର କିଭଳି ବିପୁଳ ବିଜୟ ହେବ ସେନେଇ କର୍ମୀଙ୍କୁ ଗୁରୁମନ୍ତ୍ର ଦେଇଥିଲେ ପ୍ରଣବ ପ୍ରକାଶ । ମୁଖ୍ୟମନ୍ତ୍ରୀଙ୍କ ଜନ ହିତକର ଯୋଜନା ଲୋକଙ୍କ ନିକଟରେ ପହଞ୍ଚାଇବା ସହ ଲୋକଙ୍କ ସୁଖଃ ଦୁଖଃର ସାଥି ହେବାକୁ ପରାମର୍ଶ ଦେଇଥିଲେ । ଏହି ଆଲୋଚନା ବୈଠକରେ ରାଜସ୍ୱ ମନ୍ତ୍ରୀ ସୁଦାମ ମାର୍ଣ୍ଡି, ପୁର୍ବତନ ଉପବାଚସ୍ପତି ସାନନ୍ଦ ମାର୍ଣ୍ଡି , ରାଜ୍ୟ ସାଧାରଣ ସମ୍ପାଦକ ଡ଼ଃ ଦେବାଶିଷ ମାରାଣ୍ଡି ପ୍ରମୁଖ ଉପସ୍ଥିତ ରହିଥିଲେ ।

ଏଥିସହିତ ପଢ଼ନ୍ତୁ: ଜାମିନ ମଳିବା ପରେ ପ୍ରଚାରକୁ ଆସିଲେ ଜୁଏଲ୍: ଗୌରୀ ମୁଣ୍ଡାରୀ ପ୍ରସଂଗକୁ ଏଡ଼ାଇଗଲେ