ଶିମିଳିପାଳରେ ନିଆଁ ଲିଭା କାର୍ଯ୍ୟରେ ନିୟୋଜିତ ହୋଇଛି ବିଜେଡି। ବହୁଦିନ ହେବ ଶିମିଳିପାଳ ଜଙ୍ଗଲ ଜଳୁଥିବା ବେଳେ ଏଭଳି ପରିସ୍ଥିତରେ ଶିମିଳିପାଳରେ ନିଆଁ ଲିଭାଇବ ବିଜେଡି। ରାଜ୍ୟ ସରକାରଙ୍କ ବ୍ୟାପକ କାର୍ଯ୍ୟକ୍ରମ ସାଙ୍ଗକୁ ବିଜେଡ଼ି ଦଳ ପକ୍ଷରୁ “ଶିମିଳିପାଳରେ ବିଜେଡି” କାର୍ଯ୍ୟକ୍ରମ ଆରମ୍ଭ କରାଯାଇଛି। ଜିଲ୍ଲା ବିଜେଡ଼ି ପର୍ଯ୍ୟବେକ୍ଷକ ତଥା ରାଜ୍ୟ ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ନିର୍ଦ୍ଦେଶକ୍ରମେ ବିଜେଡି ଦଳ ପକ୍ଷରୁ ଏଭଳି ଏକ ଗୁରୁତ୍ୱପୂର୍ଣ୍ଣ ନିଷ୍ପତି ଗ୍ରହଣ କରାଯାଇଛି।
ଏହି କାର୍ଯ୍ୟକ୍ରମରେ ରାଜସ୍ୱ ମନ୍ତ୍ରୀ ସୁଦାମ ମାରାଣ୍ଡି ଏବଂ ଯାଜପୁର ବିଧାୟକ ପ୍ରଣବ ପ୍ରକାଶ ଦାସ ନିଜେ ଯଶିପୁରରେ ସାମିଲ ହେବେ ବୋଲି ଜଣାପଡିଛି। ତେବେ ଶିମିଳିପାଳ ଅଭୟାରଣ୍ୟରେ ନିଆଁକୁ ନେଇ ରାଜନୀତି ଜୋର ଧରିଥିବା ବେଳେ ବିଜେଡି ପ୍ରତି ଆଙ୍ଗୁଳି ନିର୍ଦେଶ କରି ବିରୋଧୀ ମାନେ ଶାସକ ଦଳ ବିଜେଡିକୁ କଟୁ ସମାଲୋଚନା କରିଥିଲେ।
ଏହାର ଜବାବରେ ବିଜେଡି ପକ୍ଷରୁ ଜିଲ୍ଲାର ବାରିପଦା, ବଡ଼ସାହି, ଉଦଳା, ବାଙ୍ଗିରିପୋଷି, ସାରସକଣା, କରଞ୍ଜିଆ, ଯଶିପୁର ଓ ରାଇରଙ୍ଗପୁର ନିର୍ବାଚନ ମଣ୍ଡଳୀସ୍ତରୀୟ ଯୁବ ଓ ଛାତ୍ର ବିଜେଡ଼ି କର୍ମୀଙ୍କୁ ନେଇ ପୃଥକ ଦଳ ଶିମିଳିପାଳରେ ପହଁଞ୍ଚି ନିଆଁକୁ ଆୟତ୍ତ କରୁଛନ୍ତି ।
