ଦଶପଲ୍ଲାରେ ବିଜେଡି ପକ୍ଷରୁ ବିଶାଳ ଜନସଂପର୍କ ପଦଯାତ୍ରା

ଦଶପଲ୍ଲା: ଦଶପଲ୍ଲାରେ ବିଶାଳ ଜନସଂପର୍କ ପଦଯାତ୍ରା। ଗାଁ ଗାଁ ବୁଲିଲେ ହଜାର ହଜାର ବିଜେଡି କର୍ମୀ । ମହାବୀରଙ୍କ ମନ୍ଦିରଠାରୁ ପଦଯାତ୍ରା ଆରମ୍ଭ ହୋଇ ତ୍ରିନାଥ ବଜାର ନିକଟସ୍ଥ ମେଳିଆ ତୋଟାଠାରେ ପହଞ୍ଚିଥିଲା । ଦଶପଲ୍ଲା ବିଧାୟକ ରମେଶ ବେହେରାଙ୍କ ନେତୃତ୍ବରେ ଆୟୋଜିତ ପଦଯାତ୍ରାରେ ନୟାଗଡ଼ ବିଧାୟକ ଅରୁଣ ସାହୁଙ୍କ ସମେତ ରଣପୁର ବିଧାୟକ ଓ କନ୍ଧମାଳ ସାଂସଦ ଅଚ୍ୟୁତ ସାମନ୍ତ ଯୋଗ ଦେଇଥିଲେ।

ହଜାର ହଜାର ମହିଳା, ଛାତ୍ର ଓ ଯୁବ ବିଜେଡି କର୍ମୀ କାର୍ଯ୍ୟକ୍ରମରେ ସାମିଲ ହୋଇ ରାଜ୍ୟ ସରକାରଙ୍କ ଜନକଲ୍ୟାଣକାରୀ ଯୋଜନାକୁ ଲୋକଙ୍କୁ ବୁଝାଇଥିଲେ। ଏହି ଅବସରରେ ଦଶପଲ୍ଲାରେ ବିଜେଡିର ବଳ ବୃଦ୍ଧି ପାଇଛି। ପଦଯାତ୍ରାରେ ବିଜୁ ଜନତା ଦଳରେ ସାମିଲ ହୋଇଛନ୍ତି ଶହଶହ ବିରୋଧୀ କର୍ମୀ। ବିଜେପି ଓ କଂଗ୍ରେସ ଛାଡ଼ି ସମସ୍ତେ ବିଜେଡିରେ ମିଶିଛନ୍ତି । ଆଗାମୀ ଦିନରେ ଦଶପଲ୍ଲାରେ ଦଳ ଆହୁରି ସୁଦୃଢ ହେବ ବୋଲି ବିଧାୟକ ରମେଶ ବେହେରା କହିଛନ୍ତି ।