ମଣ୍ଡି ସମସ୍ୟାକୁ ନେଇ ବିଜେଡିର ଉଦବେଗ, ମୁଲତବି ଆଲୋଚନା ବେଳେ ବର୍ଷିଲା ଦଳ
1 min read
ଭୁବନେଶ୍ବର: ଏଫସିଆଇ ଚୁକ୍ତି ଅନୁସାରେ ଧାନ କିଣାଯାଉନି । ଚାଷୀଙ୍କ ସମସ୍ୟା ଦୂର କରିବା ପାଇଁ ରାଜ୍ୟ ସରକାରଙ୍କ ଆନ୍ତରିକତା ନାହିଁ । ଏଥର ବମ୍ପର କ୍ରପ ଆସିବ l ତେଣୁ ରାଜ୍ୟ ସରକାର ଚାଷୀଙ୍କ ସବୁ ଧାନ କିଣନ୍ତୁ । ସାରା ରାଜ୍ଯରେ ଧାନ ମଣ୍ଡି ସମସ୍ଯା ଦେଖାଦେଇଛି । ଆଜି ବିଧାନସଭାରେ ଏ ନେଇ ଏକ ମୁଲତବି ପ୍ରସ୍ତାବ ଆଲୋଚନାରେ ଭାଗ ନେଇ ଗୃହରେ ଉଦବେଗ ପ୍ରକାଶ କରିଛି ବିଜେଡି ।
ବରିଷ୍ଠ ବିଧାୟକ ନିରଞ୍ଜନ ପୂଜାରୀ କହିଛନ୍ତି, ଗୋଚର ଓ ପଟ୍ଟା ଥିବା ଜମିର ଧାନ ସରକାର କିଣନ୍ତୁ । ସେହିପରି ରଣେନ୍ଦ୍ର ପ୍ରତାପ ସ୍ବାଇଁ ମଧ୍ଯ ସରକାରଙ୍କ ଉପରେ ବର୍ଷିଛନ୍ତି । ଘରେ ନପଶୁଣୁ ମୁଣ୍ଡରେ ସରକାରଙ୍କ ଚାଳ ବାଜିଲାଣି । ଚାଷୀଙ୍କୁ ଉପହାସ କରନ୍ତୁନି ସରକାର । ସମସ୍ତେ ଜାଣନ୍ତି ବିଜେପି ଭାରତୀୟ ଜୁମୁଲା ପାର୍ଟି । କେତେ ଧାନ ମଣ୍ଡିକୁ ଆସୁଛି, କେତେ ସରକାର କିଣିଛନ୍ତି ତା’ର ଉତ୍ତର ରଖିବାକୁ ଦାବି କରିଛନ୍ତି ରଣେନ୍ଦ୍ର । ମିଲରଙ୍କ ପକେଟରେ ଏବେ ସରକାର ଅଛନ୍ତି । ଚାଷୀଙ୍କୁ ସଚେତନ କରିବା ପରିବର୍ତ୍ତେ ସରକାର ଭୟଭୀତ କରୁଛନ୍ତି ବୋଲି ଅଭିଯୋଗ କରିଛନ୍ତି ରଣେନ୍ଦ୍ର ।
