ବ୍ରହ୍ମପୁର: ୧୦୮ ଆମ୍ବୁଲାନ୍ସ ଖରାପ ହେବାରୁ ମୃତ୍ୟୁ ହୋଇଥିବା ଶଙ୍କର ମହାରଣାଙ୍କ ଘରେ ବିଜେଡି ଟିମ୍। ଶଙ୍କରଙ୍କ ପରିବାରକୁ ସମବେଦନା ଜଣାଇଛି ବିଜେଡି ପ୍ରତିନିଧି ଦଳ। ଏହି ଟିମରେ ଅଛନ୍ତି ବ୍ରହ୍ମପୁରର ପୂର୍ବତନ ସାଂସଦ ଚନ୍ଦ୍ର ଶେଖର ସାହୁ, ପୂର୍ବତନ ବିଧାୟକ ବିକ୍ରମ ପଣ୍ଡା, ଖଲ୍ଲିକୋଟର ପୂର୍ବତନ ବିଧାୟିକା ସୂର୍ଯ୍ୟମଣି ବୈଦ୍ୟ, ଛତ୍ରପୁରର ପୂର୍ବତନ ବିଧାୟକ ସୁବାସ ବେହେରା, ବ୍ରହ୍ମପୁର ମେୟର ସଂଘମିତ୍ରା ଦଳେଇଙ୍କ ସମେତ ବହୁ ନେତା। ଶଙ୍କରଙ୍କ ପରିବାର ସହିତ ସେମାନେ ଆଲୋଚନ କରି କିଭଳି ପରିସ୍ଥିତିରେ ଏହି ଅଭାବନୀୟ ଘଟଣା ଘଟିଲା, ସେ ସଂପର୍କରେ ପଚାରି ବୁଝିଛନ୍ତି। ଅଭିଯୋଗ ଅନୁସାରେ ବାଲୁଗାଁ ମେଡିକାଲରୁ ୧୦୮ ଆମ୍ଵୁଲାନସରେ ଶଙ୍କରଙ୍କୁ ନିଆଯାଉଥିଲା ବ୍ରହ୍ମପୁର ମେଡିକାଲ। ଏହା ଗୁରୁବାର ରାତିର ଘଟଣା। ବାଟରେ ଖଲ୍ଲିକୋଟ ସାନଘାଟି ନିକଟରେ କିନ୍ତୁ ଆମ୍ଵୁଲାନସ ଖରାପ ହୋଇଥିଲା। ତେଣୁ ଠିକ୍ ସମୟରେ ଶଙ୍କରଙ୍କୁ ହସପିଟାଲରେ ପହଞ୍ଚା ଯାଇପାରିନଥିଲା। ତେଣୁ ଶଙ୍କରଙ୍କ ମୃତ୍ୟୁ ହୋଇଥିଲା ବୋଲି ପରିବାର ଲୋକେ ଅଭିଯୋଗ କରିଥିଲେ। …
