ମହାନଦୀ କୋଲ୍ ଫିଲଡ୍ସ ଲିମିଟେଡର ଜେନେରାଲ ମ୍ୟାନେଜରଙ୍କ ବ୍ୟକ୍ତିଗତ ସହାୟକଙ୍କ ଆଚରଣ ବିଧି ଉଲ୍ଲଂଘନ ଅଭିଯୋଗ

ଭୁବନେଶ୍ବର: ଆଜି ଏକ ଅତି ଗୁରୁତ୍ୱପୂର୍ଣ୍ଣ ଓ ସ୍ପର୍ଶକାତର ପ୍ରସଙ୍ଗ ନେଇ ରାଜ୍ଯ ମୁଖ୍ୟ ନିର୍ବାଚନ ଅଧିକାରୀଙ୍କ ଦୃଷ୍ଟି ଆକର୍ଷଣ କରିଛି ବିଜେଡି । ମହାନଦୀ କୋଲ୍ ଫିଲଡ୍ସ ଲିମିଟେଡର ଜେନେରାଲ ମ୍ୟାନେଜରଙ୍କ ବ୍ୟକ୍ତିଗତ ସହାୟକ ବୈଦ୍ୟନାଥ ସାହୁ ନିର୍ବାଚନ ଆଚରଣ ବିଧି ଓ ସର୍ଭିସ ରୁଲ ଉଲ୍ଲଂଘନ କରିଥିବା ବିଜେଡି ଅଭିଯୋଗ କରିଛି ।

ସେ ଏକ ଘରୋଇ ୱେବ ଚ୍ୟାନେଲକୁ ବିଜେଡି ସମ୍ବଲପୁର ସାଂସଦ ପ୍ରାର୍ଥୀ ପ୍ରଣବ ପ୍ରକାଶ ଦାସଙ୍କ ବିରୋଧରେ ସାକ୍ଷାତକାର ଦେଇଛନ୍ତି । ମହାନଦୀ କୋଲ୍ ଫିଲଡ୍ସ ଲିମିଟେଡ କେନ୍ଦ୍ର ସରକାରଙ୍କ ଅଧୀନରେ ରହିଛି । କୌଣସି ସରକାରୀ କର୍ମଚାରୀ ନିର୍ବାଚନ ନେଇ ଟିପ୍ପଣୀ ଦେବା ଆଚରଣ ବିଧିର ଉଲ୍ଲଂଘନ । ସମସ୍ତେ ନିଜ ଲକ୍ଷ୍ମଣରେଖା ମଧ୍ଯରେ ରହନ୍ତୁ । ଏହି ଘଟଣାରେ ତ୍ୱରିତ ଓ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ପାଇଁ ରାଜ୍ୟ ମୁଖ୍ଯ ନିର୍ବାଚନ ଅଧିକାରୀଙ୍କ ନିକଟରେ ଦାବି କରିଛି ବିଜେଡି । କାରଣ ଆସନ୍ତାକାଲି ରାଜ୍ୟରେ ପ୍ରଥମ ପର୍ଯ୍ୟାୟ ନିର୍ବାଚନ ହେବାକୁ ଯାଉଛି ।