ନୟାଗଡ଼ ନିର୍ବାଚନ ମଣ୍ଡଳୀରେ ବିଜେଡିର ଜୋରଦାର ପ୍ରଚାର

ନୟାଗଡ଼: ନୟାଗଡରେ ଦମ ଦେଖାଉଛି ବିଜେଡି। ନୟାଗଡ ନିର୍ବାଚନ ମଣ୍ଡଳୀ ଅନ୍ତର୍ଗତ ଓଡଗାଁ ବ୍ଲକର ବାଣପୁର ଏବଂ ଗୌଡ଼ପୁଟ ପଂଚାୟତରେ ବିଧାୟକ ପ୍ରାର୍ଥୀ ଅରୁଣ ସାହୁଙ୍କ ନେତୃତ୍ୱରେ ବିଶାଳ ଲୋକସମ୍ପର୍କ ଅଭିଯାନ ଅନୁଷ୍ଠିତ ହୋଇଛି। ଅଭିଯାନରେ ବିଜେଡି ନେତ୍ରୀ ଇରାନି ରାୟ, ଓଡଗାଁ ବ୍ଲକ ଚେୟାରମ୍ୟାନ  ଲୋକନାଥ ସାହୁ, ଭାଇସ ଚେୟାରମ୍ୟାନ ମୀରା ନାୟକ, ଜିଲ୍ଲା ପରିଷଦ ଜୋନର ଝିଲ୍ଲୀ ପ୍ରଧାନ, ଓଡଗାଁ ବ୍ଲକ ସଭାପତି ସୂର୍ଯ୍ୟ ଚୌଧୁରୀଙ୍କ ସମେତ ହଜାର ହଜାର ବିଜେଡି କର୍ମୀ ଯୋଗ ଦେଇଥିଲେ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଲୋକାଭିମୂଖୀ ଯୋଜନା ଗୁଡିକ କିପରି ଭାବେ ଘରେ ଘରେ ପହଂଚି ପାରିବ ଏବଂ ସମସ୍ତେ କିପରି ସରକାରଙ୍କ ଯୋଜନା ସୁବିଧାରେ ପାଇ ପାରିବ ସେନେଇ ଆଲୋଚନା କରାଯାଇଥିଲା। ଏହା ବ୍ୟତୀତ ଉପସ୍ଥିତ କର୍ମୀକୁ ଡବଲ ଶଙ୍ଖରେ ଭୋଟ ଦେବାକୁ ଆହ୍ବାନ ଦିଆଯାଇଥିଲା।