ଆଜି ବିଜେଡିର ବାଲେଶ୍ବର ବନ୍ଦ ଡାକରା , ସକାଳ ୬ରୁ ଅପରାହ୍ନ ୨ଟା ପର୍ଯ୍ୟନ୍ତ ବାଲେଶ୍ୱର ଜିଲ୍ଲା ରହିବ ବନ୍ଦ

ବାଲେଶ୍ବର : ବାଲେଶ୍ବର ଏଫଏମ କଲେଜ ଛାତ୍ରୀ ସୌମ୍ୟାଶ୍ରୀ ମୃତ୍ୟୁ ଘଟଣାରେ ସାରା ରାଜ୍ୟରେ ଅସନ୍ତୋଷ। ନ୍ୟାୟ ମାଗି ମାଗି ବିଫଳ ହେବା ପରେ ଆତ୍ମାହୁତି ପରି ଚରମ ପଦକ୍ଷେପ ନେଇଥିଲେ ସୌମ୍ୟାଶ୍ରୀ। ଶୁଣିଲେନି ପୋଲିସଠାରୁ ଆରମ୍ଭ କରି ସାଂସଦ। ଚୁପ୍ ବସିଯାଇଥିଲେ ଉଚ୍ଚଶିକ୍ଷାମନ୍ତ୍ରୀ, କେନ୍ଦ୍ରମନ୍ତ୍ରୀ, ମୁଖ୍ୟମନ୍ତ୍ରୀ। ପ୍ରତିବାଦରେ ଆଜି ବିଜେଡିର ବାଲେଶ୍ବର ବନ୍ଦ ଡାକରା ।ସକାଳ ୬ରୁ ଅପରାହ୍ନ ୨ଟା ପର୍ଯ୍ୟନ୍ତ ବାଲେଶ୍ୱର ଜିଲ୍ଲା ରହିବ ବନ୍ଦ ।  ବନ୍ଦ ଯୋଗୁ ଦୋକାନ ବଜାର, ଶିକ୍ଷାନୁଷ୍ଠାନ ବନ୍ଦ ରହିଛି। ଯାନବାହନ ଚଳାଚଳ ବି ବନ୍ଦ ରହିଛି। ବନ୍ଦକୁ ବିଭିନ୍ନ ମହଲରୁ ମିଳିଛି ବ୍ୟାପକ ସମର୍ଥନ। ଏହି ବନ୍ଦକୁ ବାଲେଶ୍ବରବାସୀଙ୍କ ପୂର୍ଣ୍ଣ ସମର୍ଥନ ରହିଥିବା ଦେଖାଯାଇଛି। ମୁଖ୍ୟମନ୍ତ୍ରୀ ମୋହନ ମାଝୀ ଓ ସାଂସଦ ପ୍ରତାପ ଷଡ଼ଙ୍ଗୀ ଇସ୍ତଫା ଦେବାକୁ ଆନ୍ଦୋଳନକାରୀ ଦାବି କରିଛନ୍ତି। ସୌମ୍ୟାଶ୍ରୀ ମୃତ୍ୟୁ ପାଇଁ ଦାୟୀ ସମସ୍ତଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଦାବି କରି ବନ୍ଦ କରିବ ଦଳ । ବନ୍ଦକୁ ଦୃଷ୍ଟିରେ ରଖି ପୋଲିସ ଓ ପ୍ରଶାସନ ପକ୍ଷରୁ ସୁରକ୍ଷା ବ୍ୟବସ୍ଥା କରାଯାଇଛି।