ଏନଏଚ ୫୫ ପାଇଁ ଆଜି ବିଜେଡିର ଚକଅଖ ବନ୍ଦ ଡାକରା
ଭୁବନେଶ୍ୱର: ଆଜି ଏନଏଚ ୫୫ର ଦୁରାବସ୍ଥା ନେଇ ବିଜେଡିର ଚକଅଖ ବନ୍ଦ ଡକରା । ଏନଏଚ ୫୫ର ଦୁରାବସ୍ଥା ନେଇ ବିଜେଡି କରିଛି ଚକଅଖ ବନ୍ଦ। ସକାଳ ୮ଟାରୁ ଉଭୟ ଢେଙ୍କାନାଳ ଓ ଅନୁଗୁଳ ଜିଲ୍ଲା ବିଜେଡି ପକ୍ଷରୁ ବନ୍ଦ ପାଳନ କରାଯାଉଛି। ଢେଙ୍କାନାଳ ବିଧାୟକ ସୁଧୀର କୁମାର ସାମଲଙ୍କ ନେତୃତ୍ୱରେ ବନ୍ଦ ପାଳନ କରାଯାଉଥିବା ବେଳେ ୧୨ଟା ପର୍ଯ୍ୟନ୍ତ କଟକ ସମ୍ବଲପୁର ଜାତୀୟ ରାଜପଥକୁ ଅବରୋଧ କରାଯିବ । ଆନ୍ଦୋଳନସ୍ଥଳକୁ ଆସୁଥିବା ଉତ୍ତରାଞ୍ଚଳ ରାଜସ୍ବ କମିଶନର ସୁରେଶ ଚନ୍ଦ୍ର ଦଳାଇଙ୍କ ଗାଡ଼ିକୁ ଫେରାଇ ଦେଇଥିଲେ ଆନ୍ଦୋଳନକାରୀ ।
ଦୀର୍ଘଦିନ ଧରି ରାସ୍ତା କାମ ଶେଷ ନହେବାରୁ ଜାତୀୟ ରାଜପଥ ୫୫ ଉପରେ ଯାତାୟାତ କଷ୍ଟ ସାଧ୍ୟ ହୋଇ ପଡ଼ିଛି । ରାସ୍ତା ଖରାପ ଯୋଗୁ ଅନେକ ଥର ଦୁର୍ଘଟଣା ଘଟି ବହୁ ଲୋକ ପ୍ରାଣ ହରାଉଛନ୍ତି । କେବେ କାର୍ଯ୍ୟ ସରିବ ତାର କୌଣସି ସଠିକ୍ ତଥ୍ୟ କାହା ପାଖରେ ନାହିଁ । ଯାହାକୁ ନେଇ ଲୋକଙ୍କ ମନରେ ତୀବ୍ର ଅସନ୍ତୋଷ ଦେଖାଦେଇଛି । ଏଥିପାଇଁ ଢେ଼ଙ୍କାନାଳ କଲେଜ ବାଇପାସ୍ ଛକରେ ପ୍ରତିବାଦ ସ୍ବରୂପ 4 ଘଣ୍ଟିଆ ରାସ୍ତାରୋକ ଆନ୍ଦୋଳନ କରୁଛନ୍ତି ଢେ଼ଙ୍କାନାଳ ଓ ଅନୁଗୁଳ ଜିଲ୍ଲାର ବିଜେଡି କର୍ମକର୍ତ୍ତା ।
