ବଳଙ୍ଗା ପୀଡ଼ିତାଙ୍କ ଭିଡ଼ିଓ କିଏ କଲା ଭାଇରାଲ ?

ଭୁବନେଶ୍ବର: ବଳଙ୍ଗା ଘଟଣାକୁ ନେଇ ସରକାରଙ୍କୁ ଘେରିଲା ବିଜେଡ଼ି । ଉପମୁଖ୍ୟମନ୍ତ୍ରୀଙ୍କ ଇସ୍ତଫା ଦାବି କଲା ବିଜେଡ଼ି । ସରକାରଙ୍କୁ ଟାର୍ଗେଟ କରି ଲେନିନ ମହାନ୍ତି କହିଛନ୍ତି ବଳଙ୍ଗା ନାବାଳିକା ପୀଡିତା ଯିଏ ସଂଖ୍ୟାଲଘୁ ଥିଲେ, ତାଙ୍କୁ ଆଗ ପୋଡି ଦିଆଗଲା । ଭୁବନେଶ୍ୱରରୁ ଦିଲ୍ଲୀ AIIMS ସ୍ଥାନାନ୍ତର ପାଇଁ ବିଜେଡି ଦାବି କରିବା ପରେ ତାଙ୍କୁ ନିଆଗଲା । ତିନି ଥର ତାଙ୍କ ବୟାନ କାହା ସ୍ୱାର୍ଥରେ ବୟାନ ରେକର୍ଡ କରାଗଲା । କେତେ ଥର ବିଚାରପତି ବୟାନ ରେକର୍ଡ ସମୟରେ ଥିଲେ ? ତାଙ୍କ ମୃତ୍ୟୁର ୧୦ ମିନିଟ ପରେ ପୋଲିସ ଟ୍ୱିଟ କଲେ ଯାହା ଆଜି ଯାଏଁ କେବେ କେହି ଦେଖି ନଥିଲେ ଏବଂ ଟ୍ୱିଟରରେ ପୋଲିସ ଲେଖିଲେ ଯେ ଦୁଃଖିତ ନିଷ୍ଠା ସହ ତଦନ୍ତ ହୋଇଛି ଏବଂ ଅନ୍ୟ କୌଣସି ବ୍ୟକ୍ତିଙ୍କ ସମ୍ପୃକ୍ତି ନାହିଁ  । ପୋଲିସ ପ୍ରଶାସନ ଇଙ୍ଗିତରେ ନା କିଛି ନିଜତ୍ୱ ନରଖି ଏହା କଲେ । ଡିଜିପି ଘଟଣା ସ୍ଥଳକୁ ଯାଇଥିଲେ ମୃତ୍ୟୁ ପରେ କାହା ଇଙ୍ଗିତରେ କହିଲେ ବାହାର ଲୋକଙ୍କ ସମ୍ପୃକ୍ତି ନାହିଁ । ପୀଡ଼ିତାଙ୍କ ମୃତ୍ୟୁ ୧୫ଦିନ ପରେ ତାଙ୍କର ବୟାନ ରେକର୍ଡରେ ଭିଡ଼ିଓ ଭାଇରାଲ ହେଉଛି, ଯାହା ସମସ୍ତଙ୍କୁ ଦୋହଲାଇ ଦେଉଛି । ଅନେକ ଥର ଝିଅ ଜଣଙ୍କ ହସ୍ପିଟାଲ ବେଡ଼ରେ ଥିଲେ, ତାଙ୍କ ବୟାନ ରେକର୍ଡ କରାଗଲା । ହେଲେ ଆଜିର ଭିଡିଓରେ କହିହେଉନି ଯେ ବିଚାରପତି ଥିଲେ ନା ନାହିଁ । ଏହା ଓଡ଼ିଶା ପୋଲିସ ନା କିଏ ଭାଇରଲ କରିଛି, ତାହା ତଦନ୍ତ ସାପେକ୍ଷ । ଏଯାଏଁ ପୋଲିସ କିଛି ବି କହିନି ଯେ ଏହା ସତ ଭିଡିଓ କି ଜାଲ ଭିଡିଓ ପୋଲିସ ଏହା ନିଶ୍ଚିତ ଜାଣିଥିବ ।

ପୁରୀ SP କହୁଛନ୍ତି, ଝିଅ ଭିନ୍ନ ଭିନ୍ନ ବୟାନ ଦେଇଛି  ଜଣେ SP କେତେ ହାଲୁକା ଭାବେ ଏହି ଘଟଣାକୁ ନେଉଛନ୍ତି ଏହା କଣ ପ୍ରଭାତୀ ପରିଡା କି ସରକାରଙ୍କୁ ରକ୍ଷା କରିବାକୁ ବିବୃତି ଦିଆଯାଇଛି କି ? ତିନି ଅଭିଯୁକ୍ତ ଗଲେ କୁଆଡ଼େ ? ଦକ୍ଷ ପୋଲିସ ଯିଏ କହିଥିଲା ଯେ ବାହାର ଲୋକ ସମ୍ପୃକ୍ତ ନୁହଁନ୍ତି ତାହାଲେ ସମ୍ପୃକ୍ତ କିଏ ? ସରକାରଙ୍କ କି ମାନସିକତା ? ପ୍ରତିଦିନ ଆତ୍ମହତ୍ୟା ହେଉଛି ଏହା ତଦନ୍ତ ସାପେକ୍ଷ । ଓଡ଼ିଶା ପୋଲିସ ତତକ୍ଷଣତ ଆକ୍ସନ ନେଉଥିବା କହୁଛି । ମୃତ୍ୟୁ ପୂର୍ଵ ବିବୃତ୍ତି କଣ ମିଛ ? ବିଜେପି ସରକାର ଯିଏ CBI CBI ଚିତ୍କାର କରୁଥିଲା, ଏବେ CBI କୁ ଦେଉନି ତଦନ୍ତ  CBI ତ ସରକାରଙ୍କ  ସବୁବେଳେ ତ CBI ର ଓକିଲ ହେଉଥିଲା ବିଜେପି । ଗଂଜେଇ ବେପାରୀ ପୋଲିସ ଖସି ଯାଉଛି । ଏହି ଭିଡିଓ ଯଦି ସତ, ତେବେ ସ୍ପଷ୍ଟ ହେଲା ଯେ ଆଇନର ଶାସନ ନାହିଁ ଏବଂ ମହିଳା ସୁରକ୍ଷା ନେଇ ସ୍ୱାଧୀନତା ଦିବସରେ ଘଣ୍ଟା ଘଣ୍ଟା ଧରି କହିଲେ, ଆଗ ଦୋଷୀଙ୍କୁ ଧରନ୍ତୁ ନହେଲେ ଲୋକେ ହସିବେ…