ଗାଁ ଗାଁରେ ଟଙ୍କା ବାଣ୍ଟୁଥିଲେ ବିଜେପି ପ୍ରାର୍ଥୀଙ୍କ ସ୍ତ୍ରୀ ଓ ସମ୍ପର୍କୀୟ
ପଦମପୁର: ଟଙ୍କା ବାଣ୍ଟୁଥିଲେ ବିଜେପି ପ୍ରାର୍ଥୀଙ୍କ ସ୍ତ୍ରୀ । ଅଭିଯୋଗ ଆଣିଲା ବିଜେଡି । ଗାଁ ଗାଁ ବୁଲି ପ୍ରଦୀପ ପୁରୋହିତଙ୍କ ଧର୍ମପତ୍ନୀ ଟଙ୍କା ବାଣ୍ଟୁଥିବା ଚିତ୍ର ଭାଇରାଲ୍ । ପାଇକମାଳ ବ୍ଲକ ମାଣ୍ଡିଆଢିପା ପଂଚାୟତର ବୈଦିପାଲି ଗାଁରେ ପ୍ରଚାର କରୁଥଲେ ପ୍ରଦୀପ ପୁରୋହିତଙ୍କ ସ୍ତ୍ରୀ । ଟଙ୍କା ବାଣ୍ଟୁଥିବା ବେଳେ ପ୍ରଦୀପଙ୍କ ପତ୍ନୀଙ୍କୁ ବିରୋଧ କଲେ ଗାଁ ଲୋକ ।
ବିଜେପିର ଏଭଳି କାର୍ଯ୍ୟରେ ଜନତା ଜବାବ ଦେବେ । ଲୋକେ ଅଭିଯୋଗ କରି କହିଛନ୍ତି, ବିଜେପି ପ୍ରାର୍ଥୀ ପ୍ରଦୀପ ପୁରୋହିତଙ୍କ ସ୍ତ୍ରୀ ଏବଂ ସମ୍ପର୍କୀୟ ଗାଁରେ ଟଙ୍କା ବାଣ୍ଟୁଥିଲେ । ଗ୍ରାମବାସୀ ବିରୋଧ କରିବାରୁ ସେମାନେ ପଳାଇଥିଲେ । ଗାଁରେ ବିଜେପି ବାଲା ପ୍ରବେଶ କରିବା ସହ ଅଶାନ୍ତିକର ପରିବେଶ ସୃଷ୍ଟି କରୁଛନ୍ତି । ଯାହାର ଜବାବ୍ ଜନତା ଡିସେମ୍ବର ୫ ତାରିଖରେ ଦେବେ ବୋଲି କହିଛନ୍ତି ଲୋକେ ।
