ବିର୍ସା ମୁଣ୍ଡାଙ୍କ ମୂର୍ତ୍ତି ଭାଙ୍ଗିବା ଘଟଣା: ଅସ୍ତ୍ର-ଶସ୍ତ୍ର ସହ ଆଦିବାସୀଙ୍କ ବିଶାଳ ରାଲି

ମୟୁରଭଞ୍ଜ: ବିର୍ସା ମୁଣ୍ଡାଙ୍କ ମୂର୍ତ୍ତି ଭାଙ୍ଗିବା ଘଟଣା । ପଦକ୍ଷେପ ନେଉନି ପୋଲିସ । ଲୋକଙ୍କ ମଧ୍ୟରେ ତେଜୁଛି ଅସନ୍ତୋଷ । ଅଭିଯୁକ୍ତକୁ ଦଣ୍ଡ ଦାବି କରି ବାହାରିଲା ବିଶାଳ ରାଲି ।

ମୟୁରଭଞ୍ଜ ଜିଲ୍ଲା ଠାକୁରମୁଣ୍ଡା ବ୍ଲକ ରୁଗୁଡିବେଡାରେ ଆଦିବାସୀଙ୍କ ବିଶାଳ ରାଲି । ପାରମ୍ପାରିକ ଅସ୍ତ୍ରଶସ୍ତ୍ର ଧରି ରାଲିରେ ସାମିଲ ହେଲେ ଶତାଧିକ ମହିଳା ଓ ପୁରୁଷ । ବିର୍ସାମୁଣ୍ଡାଙ୍କ ପ୍ରତିମୂର୍ତ୍ତି ଭାଙ୍ଗିଥିବା ଦୁର୍ବୁର୍ତ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ବିଡିଓଙ୍କୁ ଦାବିପତ୍ର ପ୍ରଦାନ କରାଯାଇଛି ।

ମୟୁରଭଞ୍ଜ ଜିଲ୍ଲା ଠାକୁରମୁଣ୍ଡା ବ୍ଲକ କେନ୍ଦୁଜୁଆଣି ଗ୍ରାମପଞ୍ଚାୟତରେ ନିର୍ମିତ ହୋଇଥିବା ବିର୍ସାମୁଣ୍ଡାଙ୍କ ପ୍ରତିମୂର୍ତ୍ତିକୁ କିଛି ଦୁର୍ବୁତ୍ତ ଗତ ୧୦ ତାରିଖ ରାତିରେ ଭାଙ୍ଗି ଦେଇଥିଲେ । ଦୁର୍ବୁତ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଠାକୁରମୁଣ୍ଡା ଥାନାରେ ଲିଖିତ ଅଭିଯୋଗ ହୋଇଥିଲା । ହେଲେ ପୋଲିସ ପକ୍ଷରୁ ସେଭଳି କିଛି ପଦକ୍ଷେପ ନିଆଯାଇନ ଥିବାରୁ ରାଲି ଜରିଆରେ ଏହାର ଆଜି ପ୍ରତିବାଦ କରିଛନ୍ତି ଆଦିବାସୀ ।