ମଣିଷ ଭଳି ଅବିକଳ ସ୍ୱର କରି ପାରୁଛି ବତକ

ନୂଆଦିଲ୍ଲୀ: ମଣିଷର କଥାକୁ ନକଲ କରି ଶୁଆ କହୁଥିବା ଆପଣ ଦେଖିଥିବେ । ତେବେ କେବେ ଆପଣ ଦେଖିଛନ୍ତି କୌଣସି ପକ୍ଷୀ ମଣିଷ ଭଳି କହିବା । ଏହାର ଉତ୍ତୟ ନିଶ୍ଚୟ ନା । ତେବେ ଏକ ଗବେଷଣାରୁ ଦାବି କରାଯାଇଛି ଏକ ବିଶେଷ ପ୍ରଜାତିର ବତକ ମଣିଷର ସ୍ୱରକୁ ଅବିକଳ ନକଲ କରିପାରୁଛି ।

ରିପୋର୍ଟ ଅନୁସାରେ, ଅଷ୍ଟ୍ରେଲିଆନ୍ ବତକ ମଣିଷର ଭାଷା ସହ ଅନ୍ୟ କେତେକ ସ୍ୱରକୁ ନକଲ କରିପାରୁଛି । ଏଭଳି ଦାବି କରିଛନ୍ତି ଲିଡେନ ବିଶ୍ୱବିଦ୍ୟାଳୟ ଓ ଅଷ୍ଟ୍ରେଲିଆର ଅଧ୍ୟୟନକାରୀ । ଅଧ୍ୟୟନ ବେଳେ ଅଷ୍ଟ୍ରେଲିଆନ୍ ମସ୍କ ବାରମ୍ବାର ‘ୟୁ ବ୍ଲଡି ଫୁଲ୍’ କହୁଥିବା ରେକର୍ଡ କରାଯାଇଛି । ଏହି ବତକ ଦ୍ୱାର ବନ୍ଦ ହେବା ଶବ୍ଦ ବି କରିପାରେ । ବତକର ସ୍ୱରକୁ କ୍ୟାନବେରାର ଡିଟବିନବିଲା ନେଚର ରିଜର୍ଭରେ ରେକର୍ଡ କରାଯାଇଛି ।

ଅଧ୍ୟୟନକାରୀଙ୍କ ଅନୁସାରେ, ବତକଟି ଏହି ଶବ୍ଦକୁ ବାରମ୍ବାର ଶୁଣିଛି । ପରେ ବାରମ୍ବାର ଏହାର ନକଲ କରିଛି । ଏହି ବତକଠାରେ ଶୁଆ, ହମିଂବାର୍ଡ୍ସ, ୟୁରୋପୀୟ ଷ୍ଟାରଲିଂ, ମୈନା ପକ୍ଷୀ ଭଳି ନକଲ କରିବାର କ୍ଷମତା ରହିଛି ।