ଉଡ଼ା ଅତିଥିଙ୍କୁ ହାତଠାରି ସ୍ୱାଗତ କରିଛି ବିସ୍ତୀର୍ଣ୍ଣ ଚିଲିକା, ଆରମ୍ଭ ହେଲା ପକ୍ଷୀ ଗଣନା

ଖୋର୍ଦ୍ଧା: ଶୀତ ଆସିଲେ ନିଳାମ୍ବୁ ଚିଲିକା ପକ୍ଷୀ ମାନଙ୍କର ଆଢ଼ୁଆଳରେ ସଜେଇ ହୁଏ। କିଚିରି ମିଚିରି ଶବ୍ଦରେ ଲୁଚିଯାଏ ଚିଲିକାର କୁଳୁକୁଳୁ ଶବ୍ଦ। କାରଣ ଚିଲିକାର ଥଣ୍ଡା ଅନ୍ଧାର ହାତଠାରି ସ୍ୱାଗତ କରିବା ପରେ ଦେଶ ବିଦେଶରୁ ଲକ୍ଷଲକ୍ଷ ରଙ୍ଗ ବେରଙ୍ଗର ପକ୍ଷୀଙ୍କ ସମାଗମ ହୁଏ। ତେବେ ଏମାନଙ୍କର ସୁରକ୍ଷା ପାଇଁ ରାଜ୍ୟ ସରକାର ଅନେକ ପଦକ୍ଷେପ ନେଇଛନ୍ତି। ସୁରକ୍ଷା ଦୃଷ୍ଟିରୁ ବିଦେଶରୁ ପ୍ରତି ବର୍ଷ ଜାନୁଆରୀର ପ୍ରଥମ ସପ୍ତାହରେ ରାଜ୍ୟ ସରକାରଙ୍କ ତରଫରୁ ଚିଲିକାରେ ପକ୍ଷୀ ଗଣନା ହୁଏ।

ଏହି ଆଧାରରେ ସକାଳ ୬ଟା ଠାରୁ  ପକ୍ଷୀ ଗଣନା ଆରମ୍ଭ ହୋଇଛି। ଏହି କାର୍ଯ୍ୟ  ମଧ୍ୟ୍ୟାହ୍ନ  ୧୨ଟା ପର୍ଯ୍ୟନ୍ତ ଚାଲିବ। ଗଣନା କାର୍ଯ୍ୟରେ  ବମ୍ବେ ନାଚୁରାଲ ହିଷ୍ଟ୍ରି ସୋସାଇଟି ଅଧିକାରୀ, କର୍ମକର୍ତ୍ତା, ବନ୍ୟପ୍ରାଣୀ ବିଭାଗର କର୍ମଚାରୀ, ପକ୍ଷୀ ବିଶାରଦ, ବନ୍ୟପ୍ରାଣୀ ଉପରେ କାମ କରୁଥିବା ସାମାଜିକ ସଂଗଠନର ଅଭିଜ୍ଞ ବ୍ୟକ୍ତିମାନେ ଯୋଗଦେଇ ପକ୍ଷୀ ଗଣନା  କାର୍ଯ୍ୟ କରୁଛନ୍ତି । ଚିଲିକାର ଟାଙ୍ଗୀ, ସାତପଡ଼ା, ନୂଆପଡା, ରମ୍ଭା, ବାଲୁଗାଁ, ରେଞ୍ଜରେ ପକ୍ଷୀ ଗଣନା କାର୍ଯ୍ୟ ଆରମ୍ଭ ହୋଇଛି ।