କରୋନା ପାଇଁ ସାଂସଦଙ୍କ ଦରମା କମିଲା
ନୂଆଦିଲ୍ଲୀ: କମିଲା ସାଂସଦଙ୍କ ବେତନ । ଏନେଇ ମଙ୍ଗଳବାର କେନ୍ଦ୍ର ସରକାରଙ୍କ ପକ୍ଷରୁ ସଂସଦରେ ବିଲ୍ ପାରିତ ହୋଇଛି । ଆଗାମୀ ଏକ ବର୍ଷ ପାଇଁ ସାଂସଦମାନେ କମ୍ ଦରମା ପାଇବେ । ପ୍ରାୟ ୩୦ ପ୍ରତିଶତ ଲେଖାଏଁ ସାଂସଦ ମାନଙ୍କ ଦରମ କାଟ କରାଯିବ ବୋଲି ଆଜି ସଂସଦରେ ସଦସ୍ୟଙ୍କ ଦରମା ଓ ପେନସନ୍ (ସଂଶୋଧନ) ବିଲ ପାରିତ ହୋଇଛି । କେନ୍ଦ୍ର ମନ୍ତ୍ରୀ ପ୍ରହ୍ଲାଦ ଯୋଶୀ ବିଲ୍ ଆଗତ କରିଥିଲେ । ଏହି ବିଲ୍କୁ ଅନେକ ସାଂସଦ ସମର୍ଥନ କରିଥିଲେ ମଧ୍ୟ ସାସଦ ନିଧି ନକାଟିବା ପାଇଁ କିଛି ସାସଦ ଦାବି କରିଥିଲେ ।
କରୋନା ଯାେଗୁଁ ଦେଶର ଅର୍ଥନୈତିକ କ୍ଷେତ୍ରରେ ଆସିଛି ବଡ଼ ପରିବର୍ତ୍ତନ । ଆରମ୍ଭରୁ ଘରୋଇ ଓ ସରକାରୀ କର୍ମଚାରୀଙ୍କ ଦରମା କାଟ କରାଯାଉଥିବା ବେଳେ ଏବେ ସାଂସଦମାନଙ୍କ ଦରମା ମଧ୍ୟ କାଟ କରାଯିବା ପାଇଁ ନିଷ୍ପତ୍ତି ହୋଇଛି ।
