ଆଗକୁ ସପ୍ତାହକୁ ଦୁଇଦିନ କାମ କରିବେ କର୍ମଚାରୀ: ବିଲ ଗେଟ୍ସଙ୍କ ବଡ଼ ଭବିଷ୍ୟବାଣୀ

କର୍ମଚାରୀମାନେ ସପ୍ତାହକୁ ଦୁଇଦିନ କାମ କରିବା ସପକ୍ଷରେ ଅନେକ ଉଦ୍ୟାଗପତି ଓ ବ୍ୟବସାୟୀମାନେ କହିଥାନ୍ତି । ତେବେ ଏହା ମଧ୍ୟରେ ବିଶ୍ବର ଅନ୍ୟତମ ଧନୀବ୍ୟକ୍ତି ବିଲ ଗେଟ୍ସକୁ ଏକ ବଡ଼ ଭବିଷ୍ୟବାଣୀ କରିଛନ୍ତି । ଆଗାମୀ ୧୦ ବର୍ଷ ମଧ୍ୟରେ କର୍ମଚାରୀମାନେ ସପ୍ତାହକୁ ଦୁଇ ଦିନ କାମ କରିବେ । ସପ୍ତାହକୁ କେବଳ ଦୁଇଦିନର କାମ କରିବାର ଆବଶ୍ୟକତା ପଡ଼ିବ ବୋଲି ଗେଟ୍ସ ଭବିଷ୍ୟବାଣୀ କରିଛନ୍ତି । କୃତ୍ରିମ ବୁଦ୍ଧିମତା (ଏଆଇ) ଆମର ଅଧିକାଂଶ ଚାକିରି ନେଇଯିବ ଓ ଶ୍ରମ ଶକ୍ତିର ଆବଶ୍ୟକତା ବହୁତ କମ୍ ହୋଇଯିବ । ଏଥିସହିତ ଲୋକଙ୍କ କାମ କରିବାର ତରିକା ମଧ୍ୟ ସମ୍ପୂର୍ଣ୍ଣ ଭାବେ ବଦଳିଯିବ ବୋଲି ସେ କହିଛନ୍ତି ।

ଗେଟ୍ସଙ୍କ ଭବିଷ୍ୟବାଣୀ ପାରମ୍ପରିକ ଭାବନାଠାରୁ ବିଲକୁଲ ଅଲଗା । ଏହି ଭବିଷ୍ୟବାଣୀ ଉତ୍ପାଦକତା, ରୋଜଗାର ଓ ଲୋକଙ୍କ ଦୈନନ୍ଦିନ ଜୀବନରେ ଏଆଇର ଭୂମିକାକୁ ନେଇ ଯୁକ୍ତି ଆରମ୍ଭ ହୋଇଯାଇଛି । ଏପରି ସ୍ଥିତିରେ ପ୍ରଶ୍ନ ଉଠୁଛି, ଲୋକଙ୍କର ଚାକିରିର ସ୍ଥାନକୁ କ’ଣ ଏଆଇ ରିପ୍ଲେସ କରିବ? ୨୦୨୨ରେ ଓପନଏଆଇ ତରଫରୁ ଚାଟଜିପିଟି ଲଞ୍ଚହେବା ପରେ ଲୋକଙ୍କର ଚିନ୍ତାଧାରା ଓ କାମକୁ ଏଆଇ ବଦଳାଇ ଦେଇଛି । ଆଜି ଏଆଇ ଚାଟବୋଟ୍ସ ଯେପରିକି ଜେମିନି, ଗ୍ରୋକ ଓ ଡିପସିକର ଅଧିକରୁ ଅଧିକ ବ୍ୟବହାର କରାଯାଉଛି । ବିଭିନ୍ନ କ୍ଷେତ୍ରରେ ଚାକିରି ଯାଇପାରେ ବୋଲି ଅନେକ ବୃତ୍ତିଧାରୀ ଚିନ୍ତାରେ ରହିଥିବା ଗେଟ୍ସ କହିଛନ୍ତି ।