ବ୍ରହ୍ମପୁର : ପୁଣି ଥରେ ବ୍ରହ୍ମପୁର ବଡ ମେଡ଼ିକାଲରେ ଭର୍ତ୍ତି ହେଲେ ବିକ୍ରମ କୁମାର ପଣ୍ଡା । ବ୍ରହ୍ମପୁର ଏମକେସିଜି ମେଡ଼ିକାଲର ଜରୁରୀକାଳୀନ ବିଭାଗରେ ତାଙ୍କୁ ଭର୍ତ୍ତି କରାଯାଇଛି । ବିକ୍ରମଙ୍କ ପେଟ ଓ ଛାତିରେ ଯନ୍ତ୍ରଣା ହେବାରୁ ତାଙ୍କୁ ତୁରନ୍ତ ମେଡ଼ିକାଲରେ ଭର୍ତ୍ତି କରାଯାଇଥିବା ଜଣାପଡିଛି । କଡ଼ା ସୁରକ୍ଷା ବଳୟରେ ବିକ୍ରମଙ୍କୁ ମେଡ଼ିକାଲରେ ଭର୍ତ୍ତି କଲା ପୋଲିସ। ବରିଷ୍ଠ ଆଇନଜୀବୀ ପୀତବାସ ପଣ୍ଡା ହତ୍ୟା ମାମଲାରେ ଗିରଫ ହୋଇଥିଲେ ବିକ୍ରମ ପଣ୍ଡା । ଅସୁସ୍ଥ ହେବାରୁ ଗତ ୧୦ ତାରିଖରେ ତାଙ୍କୁ ବ୍ରହ୍ମପୁର ବଡ଼ ମେଡିକାଲରେ ଭର୍ତ୍ତି କରାଯାଇଥିଲା।
ଗଲ୍ ବ୍ଲାଡର ଷ୍ଟୋନ ଅପରେସନ ହେବାର ଥିଲା। କିନ୍ତୁ ଅଚାନକ ତାଙ୍କୁ ଗତକାଲି ତାଙ୍କୁ ଡିସଚାର୍ଜ କରି ଦିଆଯାଇଥିଲା। ଏହା ପଛରେ ରାଜନୈତିକ ଅଭିସନ୍ଧି ଥିବାର ଅଭିଯୋଗ କରିଥିଲେ ତାଙ୍କ ପରିବାର ଏବଂ ଓକିଲ। ବିକ୍ରମଙ୍କୁ ଜେଲକୁ ପଠାଇ ଦିଆଯାଇଥିଲା। ଏବେ କିନ୍ତୁ ପୁଣି ଦେହ ଖରାପ ହେବାରୁ ବ୍ରହ୍ମପୁର ବଡ଼ ମେଡିକାଲରେ ଭର୍ତ୍ତି କରାଯାଇଛି।
