ଟ୍ରକ୍ ପଛପଟକୁ ଧକ୍କା ଦେଲା ବାଇକ, ୨ ମୃତ
1 min read
କଟକ: ଦୁର୍ଘଟଣାରେ ଦୁଇ ମୃତ । କଟକ-ପାରାଦ୍ୱୀପ ରାସ୍ତାର ରାହାମା ତେରମାଣପୁର ମଠସାହିଠାରେ ଏହି ଦୁର୍ଘଟଣା ଘଟିଛି । ଟ୍ରକ୍ ପଛପଟେ ବାଇକ ଧକ୍କା ଦେଇଥିଲା । ଏଥିରେ ୨ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଆହତ ହୋଇଛନ୍ତି । ବିଳମ୍ବିତ ରାତିରେ ତିନି ଜଣ ଯୁବକ ଏକ ବାଇକରେ ପାରାଦ୍ୱୀପ ଯାଉଥିବା ବେଳେ ପଛପଟୁ ଏକ ଟ୍ରକକୁ ପିଟିଥିଲେ । ଗୁରୁତର ଆହତ ଅବସ୍ଥାରେ ସେମାନଙ୍କୁ ପ୍ରଥମେ ମଣିଜଙ୍ଗା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ସେଠାରେ ଦୁଇଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଚିକିତ୍ସାଧୀନ ଅଛନ୍ତି । ଏମାନଙ୍କ ସଠିକ ପରିଚୟ ମିଳିନାହିଁ । ଘର କୁଜଙ୍ଗ ବିଶ୍ୱାଳି ସାହି ବୋଲି ଅନୁମାନ କରାଯାଉଛି । ତଦନ୍ତ ଆରମ୍ଭ କରିଛି ପୋଲିସ ।
ଅନ୍ୟପଟେ ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ୧୬ନମ୍ବର ଜାତୀୟ ରାଜପଥ ନାରାୟଣୀ ଛକରେ ମର୍ମନ୍ତୁଦ ସଡକ ଦୁର୍ଘଟଣା। ବାଇକକୁ ଧକ୍କା ଦେଲା କାର୍ । ଘଟଣାସ୍ଥଳରେ ସ୍ବାମୀ- ସ୍ତ୍ରୀ ମୃତ । ମୃତ ଦମ୍ପତି ଦୁହେଁ ଆଇଅତିପୁର ଗାଁର। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିବା ସହିତ ଘଟଣାର ତଦନ୍ତ ଆରମ୍ଭ କରିଛି ।
