ଅନୁଗୁଳ ପୋଲିସକୁ ବଡ ସଫଳତା; ଧରାପଡିଲା ମୋଟରସାଇକେଲ ଚୋର ଗ୍ଯାଙ୍ଗ

ଅନୁଗୁଳ: ଅନୁଗୁଳ ଟାଉନ ଥାନା ପୋଲିସକୁ ବଡ ସଫଳତା। ଧରାପଡିଲା ମୋଟରସାଇକେଲ ଚୋର ଗ୍ଯାଙ୍ଗ। ଗିରଫ ଅଭିଯୁକ୍ତଙ୍କ ଠାରୁ ୬ଟି ଚୋରା ମୋଟର ସାଇକେଲ ଜବତ କରିଛି ପୋଲିସ । ଅନେକ ଦିନ ହେଲା ସହରର ବିଭିନ୍ନ ସ୍ଥାନରୁ ମୋଟର ସାଇକେଲ ଚୋରି ହେଉଥିବା ବେଳେ ଏହା ପୋଲିସ ପାଇଁ ବଡ ଚ୍ଯାଲେଞ୍ଜ ସୃଷ୍ଟି କରିଥିଲା।

ଅଭିଯୋଗ ଆଧାରରେ ପୋଲିସ ଏକ ସ୍ୱତନ୍ତ୍ର ଟିମ ଗଠନ କରି ତଦନ୍ତ ଆରମ୍ଭ କରିଥିଲା। ଏହି ଟିମ ତଦନ୍ତ କରି ଚୋରି ହୋଇଥିବା ୬ଟି ମୋଟର ସାଇକେଲ ଜବତ କରିବା ସହ ଏହି ଚୋରିରେ ସମ୍ପୃକ୍ତ ୭ ଜଣଙ୍କୁ ଗିରଫ କରିବାରେ ସଫଳ ହୋଇଛି।

ଗିରଫ ଅଭିଯୁକ୍ତ ମାନେ ହେଲେ ହୁଲୁରିସିଂହାର ଟୁଟୁ ନାୟକ, ରାଜ କିଶୋର ଭୋଇ, ସୁକାନ୍ତ ଭୋଇ, ବିକ୍ରମପୁର ଥାନା କର୍ଣ୍ଣପୁର ଗାଁର ବରୁଣ ବାରିକ, ଜରପଡା ଥାନା ସାନହିଂସର ଗାଁର ଜିତେନ୍ଦ୍ର ପ୍ରଧାନ, ନିଶା ଥାନା ଝିଣ୍ଟିପାଳ ଗାଁର ନିରାକାର ଜେନା, ଢେଙ୍କାନାଳ ଜିଲ୍ଲା ନିହାଲପ୍ରସାଦ ଥାନା ଅଞ୍ଚଳର ଟୁକୁନା ମଲ୍ଲିକ। ସେମାନଙ୍କ ନିକଟରୁ ଏକ ମାଷ୍ଟର କି’ ଜବତ ହୋଇଛି। ମୋଟରସାଇକେଲ ଖୋଲି ଚୋରି କରୁଥିଲେ।