ରାଉରକାଲା ସହରରେ ଆରମ୍ବ ହେବ ବାଇକ ଆମ୍ବୁଲାନ୍ସ ସେଵା
ରାଉରକେଲା: ଏବେ ଡାକ୍ତରଖାନା ଯିବା ସମସ୍ତଙ୍କ ପାଇଁ ସୁବିଧା ହେବ । ଗରିବ ଲୋକେ ଏବେ ଅଳ୍ପ ସମୟରେ ଯାଇ ଡାକ୍ତରଖାନାରେ ପହଞ୍ଚିବେ । ରାଉରକେଲାରେ ଠେଲା ରିକ୍ସାରେ ଜଣେ ବୃଦ୍ଧ ବ୍ୟକ୍ତି ନିଜ ମା’କୁ ହସ୍ପିଟାଲ ନେଵା ଘଟଣା ପରେ ଚେତିଛି ପ୍ରଶାସନ । ଏଣିକି ସମସ୍ତ ଗରୀବ ରୋଗୀ ଆମ୍ବୁଲାନ୍ସରେ ହସ୍ପିଟାଲ ଆସିବେ । ସହରରେ ଵାଇକ ଆମ୍ବୁଲାନ୍ସ ସେଵା ଆରମ୍ଭ କରିବାକୁ ନିର୍ଦ୍ଦେଶ ଦେଇଛନ୍ତି ଜିଲ୍ଲାପାଳ । ପ୍ରଥମେ ୫ଟି ବାଇକ ଆମ୍ବୁଲାନ୍ସ ଯୋଗାଇ ଦିଆଯିବ ।
ସୁନ୍ଦରଗଡ଼ ଜିଲାପାଳ ନିଖିଲ ପଓ୍ୱନ କଲ୍ୟାଣଙ୍କ ଏହି ସୂଚନା ଦେଇଛନ୍ତି । ଗତ କିଛି ଦିନ ତଳେ କୁକୁର କାମୁଡ଼ାରେ ଅସୁସ୍ଥ ନିଜ ୮୦ ଵର୍ଷୀୟା ଵୃଦ୍ଧା ମା’ ଫୁଲମଣୀ ଏକ୍କାଙ୍କୁ ରିକ୍ସାରେ ଟାଣି ଟାଣି ହସ୍ପିଟାଲ ନେଇଯାଇଥିଲେ ଭୟାରାମ ଏକ୍କା । ଏହି ଦୃଶ୍ୟ ସୋସିଆଲ ମିଡିଆରେ ଭାଇରଲ ହୋଇଥିଲା । ତେବେ ନନ୍ଦିଘୋଷ ଟିଭିରେ ଏହି ଖବର ପ୍ରସାରଣ ପରେ ଏହାର ପ୍ରଭାବ ପଡ଼ିଛି ।
