୪୫ ନେତାଙ୍କୁ ସମ୍ପାଦକ, ୪୧ଙ୍କୁ ଯୁଗ୍ମ ସମ୍ପାଦକ ଦାୟିତ୍ୱ ଦେଲା ବିଜେଡି

ଭୁବନେଶ୍ୱର:ବିଜୁ ଜନତା ଦଳରେ ସାଂଗଠନିକ ପରିବର୍ତ୍ତନ । ପୂର୍ବରୁ ହୋଇଥିବା ସମସ୍ତ ନିଯୁକ୍ତିକୁ ବିଜେଡି ସଭାପତି ବାତିଲ୍ କରି ନୂଆ ନିଯୁକ୍ତି ଦେଇଛନ୍ତି । ନୂତନ ଭାବେ ୪୫ ଜଣଙ୍କୁ ଦଳର ବିଭିନ୍ନ ବିଭାଗରେ ସମ୍ପାଦକ ଭାବେ ନିଯୁକ୍ତି ଦିଆଯାଇଛି । କିଶୋର ଚନ୍ଦ୍ର ତରାଇ ଓ ସଂଘମିତ୍ରା ଦଳେଇଙ୍କୁ ଅନୁସୂଚିତ ଜାତି ସଶକ୍ତିକରଣ ଦାୟିତ୍ୱ ଦିଆଯାଇଥିବା ବେଳେ ଅନୁଭବ ପଟ୍ଟନାୟକ, କେ.ଶାନ୍ତି ଓ ବିଷ୍ଣୁପ୍ରିୟା ଦାସଙ୍କୁ ମହିଳା ସଶକ୍ତିକରଣ ଦାୟିତ୍ୱ ଦିଆଯାଇଛି । ଅମରେଶ ପାତ୍ରି ଓ ରଞ୍ଜିତ ମହାପାତ୍ରଙ୍କୁ ଯୁବ ବ୍ୟାପାର ଦାୟିତ୍ୱ, ଅମରଜିତ୍ ସେନାପତି, ମନ୍ଦାକିନୀ କର ଓ ବିଶ୍ୱଜିତ୍ ସାମନ୍ତରାୟଙ୍କୁ ଛାତ୍ର ବ୍ୟାପାର ଦାୟିତ୍ୱ ଦିଆଯାଇଛି ।

ସଶକ୍ତ ଓଡ଼ିଶା ଦାୟିତ୍ୱରେ ଚିନ୍ମୟ ସାହୁ, ଅମରେଶ ଜେନା, ସୌଭାଗ୍ୟ ନାୟକ, ସୁବ୍ରମଣିଆମ୍ ମହାନ୍ତି, ସୁବାସ ମହାରଣା ଓ ସୈଳେଶ ଡାନି ଅଛନ୍ତି । କଳା, ସଂସ୍କୃତି ଓ ମାନବ ସମ୍ବଳ ଦାୟିତ୍ୱରେ ରବି ନାରାୟଣ ନନ୍ଦ, ସଂଗ୍ରାମ କେଶରୀ ପାଇକରାୟ, ଶଶୀ ସାହୁ, ପ୍ରୟାସକାନ୍ତି ସାମଲ, ମାରୁତ ପାଳୋ ଅଛନ୍ତି । ସେହିଭଳି ଏସ୍.କେ ନିଜାମୁଦ୍ଦିନ ଓ ଏମଡି. ଡବ୍ଲୁ ସକିଲଙ୍କୁ ଅଳ୍ପସଂଖ୍ୟକ ବ୍ୟାପାର ଦାୟିତ୍ୱ ଦିଆଯାଇଛି । ଭୁବନେଶ୍ୱରୀ କିଷାନ, ଭାରତୀ ସିଂହ ଓ କୃଷ୍ଣଚନ୍ଦ୍ର ଦାସଙ୍କୁ ଆଦିବାସୀ ସଶକ୍ତିକରଣ ସହ ଅଳ୍ପସଂଖ୍ୟକ ବ୍ୟାପାର ଦାୟିତ୍ୱ ଦିଆଯାଇଛି ।

ଓଡ଼ିଶା ମୋ ପରିବାର ଦାୟିତ୍ୱରେ ସୁବାସ ପାତ୍ର, ଦୁର୍ଗା ସାମନ୍ତରାୟ, ଅଜୟ ନାୟକ, ଶିଶିର ପରିଜା ଓ ମୀରା ପରିଡ଼ା ଅଛନ୍ତି । ସେହିଭଳି ସାମାଜିକ କଲ୍ୟାଣ ଦାୟିତ୍ୱରେ ପୁଷ୍ପେନ୍ଦ୍ର ସିଂହ ଦେଓ, ସରୋଜ କର୍ଣ୍ଣ, ଟି. ପ୍ରସାଦ ରାଓ ଦୋରା, ଜଦଦୀଶ ପାତ୍ର ଅଛନ୍ତି । ସ୍ୱାଧୀନ ନାୟକ, କୁନା ବିହାରୀ ଦାସ, ସନ୍ତୋଷ ପଟ୍ଟନାୟକ, ହର୍ଷ ବର୍ଦ୍ଧନ ସିଂହ ଦେଓ ଓ ରଞ୍ଜିତ ସାହୁଙ୍କୁ ଆଞ୍ଚଳିକ ବିକାଶ ଦାୟିତ୍ୱ ମିଳିଛି । ପରିବେଶ ଦାୟିତ୍ୱ ଉତ୍ତରା ପାତ୍ର, ତପନ ଦାସ, କୃଷ୍ଣ ପଣ୍ଡା, ତ୍ରିନାଥ ଗୋଏଲ ଓ ଚନ୍ଦ୍ରକାନ୍ତ ସାମଲଙ୍କୁ ଦିଆଯାଇଛି । ଏନେଇ ବିଜେଡି ସାଧାରଣ ସମ୍ପାଦକ (ଗଣମାଧ୍ୟମ ବ୍ୟାପାର) ମାନସ ମଙ୍ଗରାଜ ପ୍ରେସ୍ ଇସ୍ତାହାରରେ ସୂଚନା ଦେଇଛନ୍ତି । ସେହିଭଳି ୪୧ ଜଣ ଯୁଗ୍ମ ସମ୍ପାଦକ ଦାୟିତ୍ୱରେ ରହିଛନ୍ତି ।