ବିଜେପୁର ବିଡିଓଙ୍କ ଠାରୁ ୩ଲକ୍ଷ ୫୧ ହଜାର ଟଙ୍କା ଜବତ କଲା ଭିଜିଲାନ୍ସ
ବରଗଡ: ଭିଜିଲାନ୍ସ ଜାଲରେ ବିଜେପୁର ବିଡିଓ । ପଦ୍ମନାଭ ସାମନ୍ତରାୟ ଟଙ୍କା ନେଇ ଭୁବନେଶ୍ୱର ଯାଉଥିବା ବେଳେ ସୁବର୍ଣ୍ଣପୁର ଜିଲ୍ଲା ବିନିକା ମହାନଦୀ ଛକରେ ସୋନପୁର ଭିଜିଲାନ୍ସ ଦ୍ୱାରା ଧରାପଡିଛନ୍ତି । ବିଡିଓଙ୍କ ପାଖରୁ ନଗଦ ୩ ଲକ୍ଷ ୫୧ହଜାର ଟଙ୍କା ଜବତ କରିଥିବା ବେଳେ ବିଡିଓଙ୍କୁ ଏବେ ସୋନପୁର ଭିଜିଲାନ୍ସ କାର୍ଯ୍ୟାଳୟରେ ଅଟକ ରଖି ପଚରା ଉଚୁରା କରୁଛନ୍ତି ।
ହେଲେ ବିଡ଼ିଓ ଟଙ୍କାର କିଛି ହିସାବ ଦେଇପାରୁ ନଥିବା ସୋନପୁର ଭିଜିଲାନ୍ସ ସୂଚନା ଦେଇଛି । ତାଙ୍କ ବରଗଡ଼ ସରକାରୀ କାର୍ଯ୍ୟାଳୟ ଓ ସରକାରୀ ଘରକୁ ତଲାସୀ କରୁଛି ବରଗଡ଼ ଭିଜିଲାନ୍ସ ଟିମ୍ । ପୁରୀ ଓ ଭୁବନେଶ୍ୱର ଠାରେ ଥିବା ତାଙ୍କ ନିଜ ଘରେ ମଧ୍ୟ ଭିଜିଲାନ୍ସ ଟିମ୍ ଚଢାଉ ଜାରି ରଖିଛି । ସକାଳୁ ଖବର ପାଇ ବିନିକା ଠାରେ ବିଡିଓଙ୍କୁ ଅଟକାଇ ତାଙ୍କ ଗାଡିର ଯାଞ୍ଚ ବେଳେ ଟଙ୍କା ଜବତ ହୋଇଛି ।
