ଗ୍ରାଉଣ୍ଡ ଜିରୋରେ ଗଞ୍ଜାମ ଜିଲ୍ଲାପାଳ: ଲୋକଙ୍କ ପାଖକୁ ଯାଇ କରୁଛନ୍ତି ସମସ୍ୟାର ସମାଧାନ
ଦିଗପହଣ୍ଡି: ଗ୍ରାଉଣ୍ଡ ଜିରୋରେ ଜିଲ୍ଲାପାଳ । ଲୋକଙ୍କ ପାଖକୁ ଯାଉଛନ୍ତି ଲୋକଙ୍କ ସମସ୍ୟା ବୁଝୁଛନ୍ତି ଗଞ୍ଜାମ ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ । ଦୁଇ ଦିନରେ ସାନଖେମୁଣ୍ଡି ବ୍ଳକ୍ର ୨୬ ଗୋଟି ପଞ୍ଚାୟତ ବୁଲି ନିର୍ବାଚିତ ପ୍ରତିନିଧି ଓ ଲୋକଙ୍କୁ ଭେଟିଛନ୍ତି । ଏହା ଦ୍ୱାରା ବିକାଶ କାର୍ଯ୍ୟ ଅଧିକ ତ୍ୱରିତ ହେବା ସହ ସମସ୍ୟାର ଶୀଘ୍ର ସମାଧାନ ହେବ ବୋଲି ଲୋକେ ଆଶାବାଦୀ ।
ରାଜ୍ୟ ସରକାର ଙ୍କ ଯୋଜନା ଲୋକଙ୍କ ପାଖରେ ପହଞ୍ଚିଛି କି’ ନାହିଁ, କଣ ସମସ୍ୟା ରହିଛି । ଲୋକଙ୍କ ନିକଟରେ ପହଞ୍ଚି ଆଲୋଚନା କରୁଛନ୍ତି ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ । ଏହି ପରି ଦେଖିବାକୁ ମିଳିଛି ଗଂଜାମ ଜିଲ୍ଲା ସାନଖେମୁଣ୍ଡି ବ୍ଲକରେ ଥିବା ୨୬ ଗୋଟି ପଞ୍ଚାୟତରେ । ସାଙ୍ଗରେ ଅଛନ୍ତି ବ୍ଲକ ପ୍ରଶାସନ ଅଧିକାରୀ, ଜନସ୍ୱାସ୍ଥ୍ୟ ବିଭାଗର ଅଧିକାରୀ ଓ ବିଭିନ୍ନ ସରକାରୀ ଅଫିସର୍। ମୁଖ୍ୟତଃ ଆଗକୁ ଆସୁଛି ଖରା ଦିନ ଏହି ସମୟରେ ଜଳ ସଂକଟ ଦୂର କିପରି ହୋଇ ପାରିବ , ବିଦ୍ୟୁତ ସମସ୍ୟା, ଶିକ୍ଷା ର ବିକାଶ ସହ ବିଦ୍ୟାଳୟ କୁ ମଡେଲ ବ୍ୟବସ୍ଥା , ବାଲ୍ୟ ବିବାହ ବନ୍ଦ , ଏସ୍ଏଚ୍ଜି ମହିଳାଙ୍କ ସହ ସିଧାସଳଖ ସମସ୍ତ ସୁବିଧା ଅସୁବିଧା ଆଲୋଚନା କରିଛନ୍ତି ।
ଜିଲ୍ଲାପାଳଙ୍କୁ ନିକଟରେ ପାଇ ଲୋକ ମଧ୍ୟ ଅଭିଯୋଗ କରୁଥିବା ବେଳେ ଜିଲ୍ଲାପାଳ ଧ୍ୟାନ ଦେଇ ଶୁଣିବା ସହ ବହୁ ଉନ୍ନୟନ ମୂଳ କାର୍ଯ୍ୟ ମଧ୍ୟ ଦେଖିଛନ୍ତି ଜିଲ୍ଲାପାଳ । ଗୋଟିଏ ପରେ ଗୋଟିଏ ପଞ୍ଚାୟତ ଯାଉଥିବା ବେଳେ କେଉଁଠି ସିଧାସଳଖ ଲୋକଙ୍କ ସହ ଗାଁ ଗାଁ ବୁଲି ମୌଳିକ ସମସ୍ୟା ଲୋକଙ୍କ ଠାରୁ ଶୁଣିଥିଲେ ଏବଂ ଆଲୋଚନା କରିଥିଲେ । ପୂର୍ବରୁ କୌଣସି ଜିଲ୍ଲାପାଳ ପ୍ରତି ପଞ୍ଚାୟତ ବୁଲି ନ’ଥିବା ବେଳେ କାର୍ଯ୍ୟାଳୟକୁ ଯାଇ ଯେଉଁ କାମ ହୋଇପାରିନଥିଲା ଗାଁରେ ଘର ସମ୍ମୁଖରେ ଜିଲ୍ଲାର ମୁଖ୍ୟଙ୍କୁ ପାଇ ସଧାରଣ ଲୋକ ଉତ୍ସ।ହ ହୋଇଥିବା ବେଳେ ଜିଲ୍ଲାପାଳ ଙ୍କ ଏହି କାର୍ଯ୍ୟ କୁ ପ୍ରଶଂସା କରାଯାଇଛି।
