ଆଜି ପ୍ରକାଶ ପାଇବ ବିହାର ଚିଠା ମତଦାତା ତାଲିକା

ନନ୍ଦିଘୋଷ ବ୍ୟୁରୋ : ଆଜି ପ୍ରକାଶ ପାଇବ ବିହାର  ଚିଠା ମତଦାତା ତାଲିକା। ଏନେଇ ସୂଚନା ଦେଇଛନ୍ତି ମୁଖ୍ଯ ନିର୍ବାଚନ କମିଶନର ଜ୍ଞାନେଶ କୁମାର। ସେ କହିଛନ୍ତି- ଯୋଗ୍ୟ ନାଗରିକଙ୍କୁ ତାଲିକାରେ ଯୋଗ କରିବା କିମ୍ବା ଅଯୋଗ୍ୟ ନାମଗୁଡିକୁ ତାଲିକାରୁ ବାଦ୍ ଦେବା ଲାଗି ଏକମାସ ସମୟ ଦିଆଯିବ। ବିଭିନ୍ନ ରାଜନୈତିକ ଦଳ ଓ  ମତଦାତାମାନଙ୍କୁ ପୂରା ଏକ ମାସ ସମୟ ଦିଆଯିବ। ସ୍ବତନ୍ତ୍ର ଭୋଟର ତାଲିକା ସଂଶୋଧନ ବା ଏସଆଇଆର ବିହାରରେ ଜାରି ରହିଥିବାବେଳେ ଚିଠା ମତଦାତା ତାଲିକା ପ୍ରକାଶ ପାଇବ। ସମସ୍ତ ସ୍ବୀକୃତିପ୍ରାପ୍ତ ରାଜନୈତିକ ଦଳଗୁଡିକୁ ଏହି ତାଲିକାର ଡିଜିଟାଲ କପି ତଥା ନକଲ ଦିଆଯିବ। ରାଜ୍ୟର ସମସ୍ତ ୩୮ ଜିଲ୍ଲାରେ ଜିଲ୍ଲା ନିର୍ବାଚନ ଅଧିକାରୀମାନେ ଏହି ତାଲିକା ଦେବେ। ବିହାରରେ ଥିବା ମୁଖ୍ୟ ନିର୍ବାଚନ ଅଧିକାରୀ ଓ ୨୪୩ ନିର୍ବାଚନ ପଞ୍ଜିକରଣ ଅଧିକାରୀଙ୍କ ନିକଟରେ ନିଜ ମତ ଉପସ୍ଥାପନ ଲାଗି କୁହାଯାଇଛି। ଅଗଷ୍ଟ ୧ରୁ ସେପ୍ଟେମ୍ବର ୧ ଯାଏ ଏହି ପ୍ରକ୍ରିୟା ଚାଲିବ।