ଭାଇର ବାହାଘର ଭାଙ୍ଗୁଛି ଭାଇ; ଜିଲ୍ଲାପାଳଙ୍କୁ ଏମିତି ଗୁହାରି କଲେ ଶିକ୍ଷକ…

ଗୋପାଲଗଞ୍ଜ: ସାର୍, ମୁଁ ଜଣେ ସରକାରୀ ଶିକ୍ଷକ ଏବଂ କିନ୍ତୁ ଏଯାଏଁ ଅବିବାହିତ ରହିଛି। ମୋ ଭାଇ ମୋ ବାହାଘର ହେବାକୁ ଦେଉନାହିଁ ।  ସେ ମୋ ଜୀବନର ସବୁଠୁ ବଡ଼ ଶତ୍ରୁ ପାଲଟିଛି । ସେଥିପାଇଁ ମୁଁ ଆପଣଙ୍କ ପାଖକୁ ଆସିଛି, ମୋ ଅଭିଯୋଗ ଶୁଣନ୍ତୁ ସାର୍…
ବିଜୟିପୁର ସୁଆରା ଗାଁର ବାସିନ୍ଦା ଓମ ପ୍ରକାଶ ସିଂ ଏଭଳି ଅଭିଯୋଗ ନେଇ ଜିଲ୍ଲାପାଳ ମାକସୁଦ ଆଲାମଙ୍କ ଦ୍ୱାରସ୍ତ ହୋଇଛନ୍ତି । ୩୫ ବର୍ଷୀୟ ଓମଙ୍କ ଅଭିଯୋଗ ଅନୁଯାୟୀ, ଯେତେବେଳେ କେହି ତାଙ୍କ ପାଇ ବିବାହ ପ୍ରସ୍ତାବ ଆଣୁଛନ୍ତି, ସେତେବେଳେ ନିଜ ଭାଇ ହିଁ ବାହାଘର ଭାଙ୍ଗିଦେଉଛି । ଏପରିକି ସେମାନଙ୍କୁ ଅଧାରାସ୍ତାରୁ ଭଗାଇ ଦେଉଛି ।  ଫଳରେ ଏଯାବତ୍ ସେ ଅବିବାହିତ ରହିଛନ୍ତି । ଭାଇ ଓ ଭାଇ ପୁଅ ଦୁଇ ଜଣ ମିଶି ତାଙ୍କ ସମ୍ପତ୍ତି ହଡ଼ପ କରିବାକୁ ଚାହୁଁଛନ୍ତି ଯାହାଫଳରେ ତାଙ୍କ ବାହାଘର କରାଇ ଦେଉନାହାଁନ୍ତି।

ଓମ ପ୍ରକାଶ ସିଂ, ଗୋପାଳଗଞ୍ଜ ଡିଏମଙ୍କ ସଙ୍ଗେସଙ୍ଗେ ଏସପିଙ୍କୁ ମଧ୍ୟ ଭେଟିଥିଲେ। ଭାଇ ଓ ପୁତୁରାର ଏଭଳି କାରନାମା ପାଇଁ ସେ ଏବେ ମାନସିକ ଅଶାନ୍ତି ମଧ୍ୟରେ ଗତି କରୁଛନ୍ତି । ଓମ ସେ ସରକାରୀ ଶିକ୍ଷକ ଭାବରେ କାର୍ଯ୍ୟ କରୁଛନ୍ତି । ସେମାନେ ଚାରି ଭାଇ। ତାଙ୍କର ଦୁଇ ଭାଇ ଝାଡଖଣ୍ଡରେ ରହୁଥିବା ବେଳେ ଆଉ ଜଣେ ଭାଇ ତାଙ୍କ ସହିତ ଗାଁରେ ରୁହନ୍ତି ।

ଓମ୍ ପ୍ରକାଶ ସିଂ କହିଛନ୍ତି ଯେ ତାଙ୍କୁ ଡିଏମଙ୍କ ପକ୍ଷରୁ କୌଣସି ସନ୍ତୋଷଜନକ ଉତ୍ତର ମିଳିପାରିନାହିଁ । ତେବେ ସରକାରୀ ଶିକ୍ଷକଙ୍କ ଏପରି ଅଭିଯୋଗରେ ଡିଏମ ଏବଂ ଏସପି ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ। ଏବେ ଦେଖିବାକୁ ବାକି ରହିଲା, ଅଧିକାରୀ ମାନେ କି ନିଷ୍ପତ୍ତି ନେଉଛନ୍ତି ଏବଂ ଶିକ୍ଷକଙ୍କ ବିବାହ ହେଉଛି କି ନା ।