କରୋନାରେ ଜେଡିୟୁ ନେତା ମେୱାଲାଲଙ୍କ ଦେହାନ୍ତ

ପାଟଣା: ବିହାରର ପୂର୍ବତନ ଶିକ୍ଷାମନ୍ତ୍ରୀ ମେୱାଲାଲ୍ ଚୌଧୁରୀଙ୍କ ମୃତ୍ୟୁ ହୋଇଛି । ପାଟଣାର ପାରସ୍ ହସ୍ପିଟାଲରେ ତାରାପୁର ବିଧାନସଭାରୁ ନିର୍ବାଚିତ ଜେଡିୟୁ ବିଧାୟକ ଶେଷ ନିଶ୍ୱାସ ତ୍ୟାଗ କରିଛନ୍ତି । କରୋନା ସଂକ୍ରମିତ ହେବା ପରେ ମେୱାଲାଲ୍ ପାରସ୍ ହସ୍ପିଟାଲରେ ଚିକିତ୍ସିତ ହେଉଥିଲେ । ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ମେୱାଲାଲଙ୍କ ଦେହାନ୍ତକୁ ନେଇ ବିଭିନ୍ନ ମହଲରେ ଶୋକ ପ୍ରକାଶ ପାଇଛି ।

Bihar: Mewalal Choudhary, JDU MLA and former minister, passes away due to #COVID19 at a hospital in Patna.

(File photo) pic.twitter.com/sQFFyBHU0X

— ANI (@ANI) April 19, 2021

୨୦୨୦ ବିହାର ବିଧାନସଭା ନିର୍ବାଚନରେ ତାରାପୁର ଆସନରୁ ବିଜୟୀ ହୋଇ ମେୱାଲାଲ୍ ନୀତିଶଙ୍କ କ୍ୟାବିନେଟରେ ସାମିଲ୍ ହୋଇଥିଲେ । ତେବେ ୬୮ ବର୍ଷୀଅ ମେୱାଲାଲ୍ ଶିକ୍ଷାମନ୍ତ୍ରୀ ହେବା ପରେ ବେଶ୍ ବିବାଦ ଦେଖା ଦେଇଥିଲା । ଦାଗୀ ନେତାଙ୍କୁ ଶିକ୍ଷାମନ୍ତ୍ରୀ କରାଯାଇଥିବା କହି ହଙ୍ଗାମା କରିଥିଲେ ବିରୋଧୀ । ଫଳରେ ଶିକ୍ଷାମନ୍ତ୍ରୀ ହେବାର ମାତ୍ର କିଛି ଘଣ୍ଟା ପରେ ମେୱାଲାଲ ଇସ୍ତଫା ଦେଇଥିଲେ ।

ବିହାରରେ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଥିବା ବେଳେ ଗତ ୨୪ ଘଣ୍ଟାରେ ୨୭ ଜଣଙ୍କ ମୃତ୍ୟୁ ହୋଇଛି । ରବିବାର ଦିନକରେ ୮ ହଜାର ୬୯୦ ଜଣଙ୍କ ନମୁନା କରୋନା ପଜିଟିଭ୍ ଆସିଥିବା ବେଳେ ଏବେ ରାଜ୍ୟରେ ୪୪ ହଜାରରୁ ଅଧିକ ସକ୍ରିୟ ସଂକ୍ରମଣ ମାମଲା ରହିଛି ।