Bihar Election: ମୁହୂର୍ତ୍ତକେ ବଦଳୁଛି ସିଟ୍ ଗଣିତ, NDAକୁ କଡ଼ା ଟକ୍କର ଦେଉଛି ମହାମେଣ୍ଟ

ପାଟଣା: ବିହାର ଭୋଟ୍ ଗଣତି ଜାରି ରହିଛି । ୨୪୩ ଆସନ ଲାଗି ହୋଇଥିବା ମତଦାନର ଗଣନା ଚାଲିଛି । ସନ୍ଧ୍ୟା ୬ଟା ୨୦ ସୁଦ୍ଧା ବିଜେପି ୬ଟି ଆସନ ଜିତିଥିବା ବେଳେ ଆରଜେଡି ୩ଟି, ଜେଡିୟୁ ଓ ଭିଆଇପି ୨ଟି ଲେଖାଏଁ, କଂଗ୍ରେସ ଓ ଗୋଟିଏ ଲେଖାଏଁ ଆସନ ଜିତିଛନ୍ତି । ଅନ୍ୟପଟେ ଦଳଗତ ଟ୍ରେଣ୍ଡରେ ଲାଲୁଙ୍କ ଆରଜେଡି, ବିଜେପିକୁ ପଛରେ ପକାଇଛି । ତାଜା ଟ୍ରେଣ୍ଡ ଅନୁସାରେ ବିଜେପି ୬୭ଟି ଆସନରେ ଆଗୁଆ ଥିବାବେଳେ ଆରଜେଡି ୭୧ଟି ଆସନରେ ଆଗୁଆ ରହିଛି ।

ପ୍ରତି ମୁହୂର୍ତ୍ତରେ ବଦଳିବାରେ ଲାଗିଛି ବିହାର ସିଟ୍ ଗଣିତ । ଏବେ ଟ୍ରେଣ୍ଡରେ ଏନଡିଏ ୧୨୫ଟି ଆସନରେ ଆଗୁଆ ଥିବାବେଳେ ଆରଜେଡି (ମହାମେଣ୍ଟ) ୧୧୧ଟି ଆସନରେ ଆଗୁଆ ଚାଲିଛି । ଚିରାଗଙ୍କ ଏଲଜେପି କୌଣସି ଆସନରେ ରେସରେ ନଥିବା ବେଳେ ୮ଟି ଆସନରେ ଅନ୍ୟାନ୍ୟ ପ୍ରାର୍ଥୀ ଆଗୁଆ ରହିଛନ୍ତି ।

#WATCH Live: Election Commission addresses the media in Delhi. https://t.co/pN9oTaYkUc

— ANI (@ANI) November 10, 2020

କରୋନା ସଂକଟ ଭିତରେ ହୋଇଥିବା ନିର୍ବାଚନ ଭୋଟ୍ ଗଣନା ବିଳମ୍ବିତ ରାତି ଯାଏଁ ଜାରି ରହିବ । ସେଥିପାଇଁ ଭୋଟ୍ ଗଣତି ବିଳମ୍ବ ହେଉଛି । କରୋନା ପାଇଁ ଭୋଟ୍ ଗଣତି ନିୟମରେ ପରିବର୍ତ୍ତନ ହୋଇଥିବାରୁ ଡେରି ହେଉଥିବା ନିର୍ବାଚନ କମିଶନଙ୍କ ପକ୍ଷରୁ ସୂଚନା ଦିଆଯାଇଛି ।