ବଲିଉଡ୍ ମାଫିଆଙ୍କ ଚାପରେ ସୁଶାନ୍ତଙ୍କ ଦୋଷୀଙ୍କୁ ବଞ୍ଚାଉଛନ୍ତି ଠାକ୍ରେ: ସୁଶୀଲ ମୋଦି
1 min read
ପାଟଣା: ମହାରାଷ୍ଟ୍ର ମୁଖ୍ୟମନ୍ତ୍ରୀଙ୍କ ବିରୋଧରେ ସୁଶୀଲ ମୋଦିଙ୍କ ଗୁରୁତର ଅଭିଯୋଗ । ବଲିଉଡ୍ ମାଫିଆଙ୍କ ଚାପରେ ସୁଶାନ୍ତଙ୍କ ମୃତ୍ୟୁ ପାଇଁ ଦାୟୀ ଲୋକଙ୍କୁ ବଞ୍ଚାଇବାକୁ ଚେଷ୍ଟା କରୁଥିବା ଅଭିଯୋଗ କରିଛନ୍ତି ବିହାର ଉପମୁଖ୍ୟମନ୍ତ୍ରୀ ସୁଶୀଲ ମୋଦି । ସେ ଆହୁରୀ କହିଛନ୍ତି ଯେ, ରାଜପୁତଙ୍କ ଲିଭ୍-ଇନ୍-ପାର୍ଟନର ରିୟା ଚକ୍ରବର୍ତ୍ତୀଙ୍କ ବିରୋଧରେ ହୋଇଥିବା ଅଭିଯୋଗର ତଦନ୍ତ ପାଇଁ ମଧ୍ୟ ମୁମ୍ୱାଇ ପୋଲିସ ସହଯୋଗ କରୁନଥିବା ଅଭିଯୋଗ କରିଛନ୍ତି ସୁଶୀଲ ମୋଦି ।
महाराष्ट्र में पहले भी बिहार के लोगों से दुर्व्यवहार की शिकायतें मिलती थीं, लेकिन अब वहां कांग्रेस-एनसीपी की बैसाखी पर टिकी उद्धव सरकार ने तो हद कर दी है।
लॉकडाउन के दौरान महाराष्ट्र से बिहारी मजदूरों की वापसी के समय अड़ंगेबाजी की गई।— Sushil Kumar Modi (मोदी का परिवार ) (@SushilModi) August 1, 2020
କଂଗ୍ରେସ ପୃଷ୍ଠପୋଷକତାରେ ଥିବା ବଲିଉଡ୍ ମାଫିଆଙ୍କ ଯୋଗୁଁ ଉଦ୍ଧବ ଠାକ୍ରେ ଚାପରେ ଅଛନ୍ତି । ତେଣୁ ସେ ସୁଶାନ୍ତଙ୍କ ମୃତ୍ୟୁ ମାମଲାରେ ଦାୟୀ ସମସ୍ତଙ୍କୁ ଉଦ୍ଧାର କରିବାକୁ ଆଗ୍ରହୀ ଅଟନ୍ତି । ଏଥିସହିତ ବିହାର କଂଗ୍ରେସ କିପରି ଲୋକଙ୍କୁ ମୁହଁ ଦେଖାଇବ ବୋଲି ଟ୍ୱିଟ୍ କରି ପ୍ରଶ୍ନ ପଚାରିଛନ୍ତି ମୋଦି । ସୂଚନା ଯୋଗ୍ୟ ଯେ, ଚଳିତ ବର୍ଷ ଶେଷରେ ବିହାର ବିଧାନସଭା ନିର୍ବାଚନ ହେବାର ଅଛି । ବିହାରରେ କଂଗ୍ରେସ ଦଳ ବିରୋଧୀ ଦଳର ଏକ ଅଂଶ ହୋଇଥିବାରୁ ମୋଦୀଙ୍କ ମନ୍ତବ୍ୟ ଗୁରୁତ୍ୱପୂର୍ଣ୍ଣ ଅଟେ ।
ଅପରପକ୍ଷରେ ସୁଶୀଲ ମୋଦିଙ୍କ ଅଭିଯୋଗର ଜବାବ ରଖିଛନ୍ତି ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକ୍ରେ । ସେ ମୁମ୍ୱାଇ ପୋଲିସର କାର୍ଯ୍ୟକଳାପକୁ ଠିକ୍ ଦର୍ଶାଇବା ସହ ସୁଶାନ୍ତ ମୃତ୍ୟୁ ମାମଲାରେ କାହା ପାଖରେ କୌଣସି ପ୍ରକାର ପ୍ରମାଣ ଥିଲେ ଆଗକୁ ଆସି ପ୍ରଦାନ କରିବାକୁ କହିଛନ୍ତି ଠାକ୍ରେ । ଏଥିସହିତ ଏହି ମାମଲାକୁ ବିହାର ଓ ମହାରାଷ୍ଟ୍ରମଧ୍ୟରେ ବିବାଦର କାରଣ ନ କରିବାକୁ ଦାବି କରିଛନ୍ତି ।
