ବୁଡ଼ିଗଲା ୩୪ ଜଣ ସ୍କୁଲ ପିଲାଙ୍କୁ ନେଇ ଯାଉଥିବା ଡଙ୍ଗା, ୧୬ ଉଦ୍ଧାର, ୧୮ ନିଖୋଜ

ମୁଜାଫରପୁର: ବିହାର ମୁଜାଫରପୁରରେ ଡଙ୍ଗାବୁଡି । ଡଙ୍ଗାରେ ୩୪ ସ୍କୁଲ ଛାତ୍ରଛାତ୍ରୀ ଯାଉଥିବାବେଳେ ବୁଡିଗଲା ଡଙ୍ଗା । ୧୬ଜଣ ଛାତ୍ରଛାତ୍ରୀଙ୍କୁ ଉଦ୍ଧାର କରାଯାଇଥିବାବେଳେ ୧୮ଜଣ ନିଖୋଜ ହୋଇଥିବା ସୂଚନା ମିଳିଛି ।

ବାରମାତୀ ନଦୀର ମଧୁପୁର ପଟ୍ଟି ଘାଟରେ ଘଟିଛି ଦୁର୍ଘଟଣା । ପିଲାଙ୍କୁ ଉଦ୍ଧାର କରିବା ଲାଗି ସର୍ଚ୍ଚ ଅପରେସନ ଜାରି ରହିଛି । ଘଟଣାସ୍ଥଳରେ ପୋଲିସ ଓ ଏସଡିଆରଏଫ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି । ଘଟଣାସ୍ଥଳକୁ ଜିଲ୍ଲା ମାଜିଷ୍ଟ୍ରେଟଙ୍କ ସମେତ ବରିଷ୍ଠ ଅଧିକାରୀଙ୍କୁ ପଠାଯାଇଛି ବୋଲି କହିଛନ୍ତି ମୁଖ୍ୟମନ୍ତ୍ରୀ ନୀତୀଶ କୁମାର ।