BSFକୁ ବଡ଼ ସଫଳତା, ସ୍ୱାଭିମାନ ଅଞ୍ଚଳ ତାଇମାଲ ଜଙ୍ଗଲରେ ମାଓବାଦୀଙ୍କ ଗୋପନସ୍ଥଳୀ ଠାବ
1 min read
ମାଲକାନଗିରି: ମାଓ ଦମନ ଅପରେସନ ବେଳେ ମାଲକାନଗିରି BSFକୁ ବଡ଼ ସଫଳତା । ସ୍ୱାଭିମାନ ଅଞ୍ଚଳର ତାଇମାଲ ଜଙ୍ଗଲରେ ମାଓବାଦୀଙ୍କ ଏକ ଗୁପ୍ତଖାନା ଜବତ କରିଛି BSFର ୮୮ ବାଟାଲିୟନ ଯବାନ । ଏଥିରେ ବିପୁଳ ପରିମାଣର ମାଓ ବିସ୍ଫୋରକ ସାମଗ୍ରୀ ଜବତ କରିଛନ୍ତି BSF ଯବାନ । ପୋଲିସକୁ ଟାର୍ଗେଟ କରି ମାଓବାଦୀ ମାଟି ତଳେ ଗାତ କରି ବିପୁଳ ପରିମାଣର ମାଓ ବିସ୍ପୋରକ ସାମଗ୍ରୀ ଗଚ୍ଛିତ କରି ରଖିଥିଲେ । ସେଗୁଡ଼ିକ ମଧ୍ୟରେ ରହିଛି ଗୋଟିଏ ବନ୍ଧୁକ, ଷ୍ଟିଲ LED ଦୁଇଟି, ୧୧ଟି ହ୍ୟାଣ୍ଡ ଗ୍ରେନେଡ, ୨୮ଟି ଡେଟୋନେଟର, ଇନସାସ ମାଗାଜିନ୍, ୱାକିଟକି ଏବଂ ମାଓ ବ୍ୟବହୃତ ସାମଗ୍ରୀ ଜବତ କରିଛି BSF ଯବାନ।
