ବିଳମ୍ବିତ ରାତିରେ ଜଳିଲା ଭୁବନେଶ୍ବର କେଶରୀ ମଲ୍, ସର୍ଟ ସର୍କିଟରୁ ଲାଗିଥିଲା ନିଆଁ

ଭୁବନେଶ୍ୱର: ଅଗ୍ନିକାଣ୍ଡରେ ଜଳି ପୋଡ଼ି ପାଉଁଶ ହୋଇଗଲା ୪୪ ଲକ୍ଷ ଟଙ୍କାର ସମ୍ପତ୍ତି । ଭୁବନେଶ୍ବର ବିଏମସି କେଶରୀ ମଲରେ ଘଟିଥିବା ଅଗ୍ନିକାଣ୍ଡରେ ହୋଇଛି ବ୍ୟାପକ କ୍ଷୟକ୍ଷତି । ବିଳମ୍ବିତ ରାତିରେ ହୁତୁ ହୁତୁ ହୋଇ ଜଳିଲା ଭୁବନେଶ୍ବର କେଶରୀ ମଲ । ଧୂଆଁମୟ ହୋଇଗଲା ଚାରିପାଖ । ସର୍ଟ ସର୍କିଟରୁ ଅଗ୍ନିକାଣ୍ଡ ଘଟିଥିବା ବେଳେ, ମଲର ୬ରୁ ୭ଟି ସୋ ରୁମରେ ନିଆଁ ଲାଗିଥିଲା । ଘଟଣାସ୍ଥଳରେ ତୁରନ୍ତ ଅଗ୍ନିଶମ ବାହିନୀ ପହଞ୍ଚି ମଲର କାଚ ଭାଙ୍ଗି ଭିତରେ ପଶିଥିଲେ । ୩ ଘଣ୍ଟାର ଅକ୍ଳାନ୍ତ ପରିଶ୍ରମ ପରେ ନିଆଁକୁ ଆୟତ୍ତ କରିଥିଲେ ଅଗ୍ନିଶମ ବାହିନୀ । ଅଜୟ ଗାର୍ମେଣ୍ଟସରୁ ପ୍ରଥମେ ନିଆଁ ଲାଗିଥିଲା । ଏହି ଭୟାବହ ଅଗ୍ନିକାଣ୍ଡରେ ଅଜୟ ଗାର୍ମେଣ୍ଟ ସୋ’ ରୁମରେ ବ୍ୟାପକ କ୍ଷୟକ୍ଷତି ହୋଇଛି । ବିଳମ୍ବିତ ରାତିରେ ଘଟଣାସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରିଥିଲେ ଭୁବନେଶ୍ବର ମେୟର ସୁଲୋଚନା ଦାସ ।