ବୁଲା କୁକୁରକୁ ଗୁଳି, ଥାନାରେ ମାମଲା

ଭୁବନେଶ୍ୱର: ରାଜଧାନୀରେ ଅମାନୁଷିକ କାଣ୍ଡ । ଦୁଇଟି ବୁଲା କୁକୁରକୁ ଗୁଳି ମାଡ଼ କଲା ନିର୍ଦ୍ଦୟ । ଘଟଣା ସ୍ଥଳରେ ଗୋଟିଏ କୁକୁରର ମୃତ୍ୟୁ ହୋଇଥିବା ବେଳେ ଅନ୍ୟ କୁକୁରଟିକୁ ଗୁରୁତର ଭାବେ ଚିକିତ୍ସା କରାଯାଉଛି । ଭୁବନେଶ୍ୱର ଖଣ୍ଡଗିରି ଥାନା ଜାଗମରା ଅଞ୍ଚଳରେ ଘଟିଛି ଅଭାବନୀୟ ଘଟଣା । ଏନେଇ ଖଣ୍ଡଗିରି ଥାନାରେ ସ୍ପିକ ଫର ଆନିମଲ ପକ୍ଷରୁ ଅଭିଯୋଗ ହୋଇଛି ।

ଅଭିଯୋଗ ପରେ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରିଛି । ତେବେ ରାସ୍ତାରେ ଯାଉଥିବା ଦୁଇ ଜଣଙ୍କ ଲୋକଙ୍କ ଦେହରେ ବାଜିଥାନ୍ତା ଗୁଳି । ସେମାନେ ଅଳ୍ପକେ ବର୍ତ୍ତି ଯାଇଥିବା ସୂଚନା ରହିଛି । ତେବେ ଉକ୍ତ ଘଟଣାରେ ସଂଶ୍ଲିଷ୍ଟ ବ୍ୟକ୍ତିଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି  ।