ରାଜଧାନୀର କାନ୍ଥରେ ଶୋଭା ପାଉଛି ପୁରୁଣା ସିନେମାର ଅଭୁଲା ସ୍ମୃତି

ଭୁବନେଶ୍ୱର: କାନ୍ଥ ବଖାଣୁଛି ୭୦-୮୦ ଦଶକର ଓଡ଼ିଆ ଚଳଚ୍ଚିତ୍ରର ଗାଥା । ଭୁବନେଶ୍ୱର କାନ୍ଥରେ ଶୋଭା ପାଉଛି ପୁରୁଣା ସିନେମାର ଅଭୁଲା ସ୍ମୃତି । ସେତବେଳର ହିରୋ ହିରୋଇନ ମାନଙ୍କ ଫଟୋ ଓ ପୋଷ୍ଟର ଦେଖିବାକୁ ମିଳୁଛି । ଚିତ୍ରକରଙ୍କ ଏହି ନିଆର ଉଦ୍ୟମ ପୁଣିଥରେ ହଜି ଯାଉଥିବା ସିନେମାର ସେହି ପୁରୁଣା ଦିନକୁ ପୁଣିଥରେ ଫେରାଇ ଆଣିଛି ।

କାନ୍ଥ କହୁଛି ପୁରୁଣା ଅଭୁଲା ସ୍ମୃତି । ବଖାଣୁଚି ୭୦-୮୦ ଦଶକର ଗାଥା । ମନ ଟାଣୁଛି ଚିତ୍ରକରଣଙ୍କ ଚିତ୍ରକଳା । ଭୁବନେଶ୍ବରର କାନ୍ଥରେ ଶୋଭା ପାଉଛି ୧୯୬୩ ଠାରୁ ଆରମ୍ଭ କରି ୭୦ ଓ ୮୦ ଦଶକର ଅଭିନେତା, ଅଭିନେତ୍ରୀ, ଗୀତିକାର ଓ ସେ ସମୟର ପୋଷ୍ଟର । ଜଲସୁଛି ମାଷ୍ଟରକ୍ୟାଣ୍ଟିନ ଛକରୁ ରାମ ମନ୍ଦିର ଛକ ରାସ୍ତାର ବାମ ପାର୍ଶ୍ବରେ ଥିବା ପ୍ରାଚିର । ସୀତା ବିବାହ, ଚକା ଆଖି ସବୁ ଦେଖୁଛି, ଲଳିତା, ସପ୍ତଶଜ୍ୟା, ଚିଲିକା ତୀରେ, ଗୌରୀ, ଅରୁନ୍ଧତି ଭଳି ଅନେକ ଅଭୁଲା ଚଲଚ୍ଚିତ୍ରର ଛବି ଦେଖିବାକୁ ମିଳିଛି । ଏହି ଚିତ୍ର ସବୁ ଦର୍ଶକଙ୍କୁ ପୁଣିଥରେ ଟାଣି ନେଇଛି ସେହି ପୁରୁଣା ଦିନକୁ ।

ଏହି ଚିତ୍ର କେବଳ ପୁରୁଣା ଦିନର ସ୍ମୃତିକୁ ମନେ ପକାଉ ନାହିଁ ବରଂ ଓଲିଉଡର ବରିଷ୍ଠ ଓ ଦିବଂଗତ କଳାକାରଙ୍କ ପ୍ରତି ଶ୍ରଦ୍ଧା ସମ୍ମାନ ଆଣି ଦେଇଛି । ସେହି ସିନେମାର ମୌଲିକତ ଓ ମୂଲ୍ୟ କୁ ଆଜି ବି ଦର୍ଶକ ଖୋଜୁଛନ୍ତି ।